جاپونياعا ءبىر اپتانىڭ ىشىندە ەكىنشى تايفۋن جاقىنداپ كەلەدى
جاپونيا مەتەورولوگيالىق اگەنتتىگىنىڭ حابارلاۋىنشا، تۇسكى ۋاقىتتا «لان» تايفۋنى ميناميتوري ارالىنىڭ ماڭىندا بولعان جانە ونداعى جەلدىڭ جىلدامدىعى ساعاتىنا 90 شاقىرىمعا جەتكەن.
سەيسەنبى كۇنى «حانۋن» تايفۋنى جاپونيانىڭ وڭتۇستىك- باتىسىنداعى كيۋسيۋ ارالىنا قاراي جىلجىپ، ارالدىڭ بىرنەشە بولىگىندە داۋىل بولدى. جەرگىلىكتى تەمىرجول وپەراتورى جىلدام جۇرەتىن سينكانسەن پويىزدارىن توقتاتۋعا ءماجبۇر بولدى.
مەتەورولوگيالىق اگەنتتىك جاپونيانىڭ ءتورت نەگىزگى ارالىنىڭ ءبىرى سانالاتىن كيۋسيۋ ارالىنىڭ وڭتۇستىگى مەن سولتۇستىگىندە سەل ءجۇرىپ، وزەندەردىڭ تاسۋى مەن جوعارى تولقىندار بولۋى مۇمكىن ەكەنىن ەسكەرتتى.
سارسەنبى كۇنى كيۋسيۋ مەن وكيناۆا اراسىندا ورنالاسقان امامي- وسيما ارالىندا دا قولايسىز اۋا رايى كۇتىلەدى. سونداي- اق وڭتۇستىك كورەيانىڭ مەتەورولوگيالىق قىزمەتىنىڭ حابارلاۋىنشا، وسى اپتادا «حانۋن» تايفۋنى ەلدىڭ وڭتۇستىك جاعالاۋىنا قاراي جىلجىپ، ق ح ر- ىنا قاراي اۋىسۋى مۇمكىن ەكەنىن ايتتى.
ەلدە تولاسسىز جاڭبىر جاۋادى دەپ حابارلايدى، Yonhap اقپارات اگەنتتىگى.
