پرەمەر- مينيستر ەكى اپتادا سۋ تاسقىنىنان قورعاۋ جونىندەگى شارالار جوسپارىن دايىنداۋدى تاپسىردى

استانا. قازاقپارات - قىس تۇسكەنشە سۋ تاسقىنىنان قورعاۋ شارالارىن اياقتاۋ قاجەت. بۇل تۋرالى ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

ءبىز سۋ تاسقىنى كەزەڭىنە دايىندىق ماسەلەسىن ادەيى ەرتە قاراپ وتىرمىز. كوكتەمگە دەيىن ءالى ءبىراز ۋاقىت بار. دەگەنمەن، بارلىق دايىندىق شارالارىن قىس تۇسكەنشە اياقتاۋ قاجەت. سۋ تاسقىنى قاتەلىكتەردى كەشىرمەيدى. ورىندالماي قالعان جۇمىستار مەن بولىنبەي قالعان قاراجاتتىڭ سوڭى توتەنشە جاعدايلارعا اكەپ سوقتىرۋى مۇمكىن»، - دەدى ءا. سمايىلوۆ ۇكىمەتتىڭ بۇگىنگى وتىرىسىندا.

پرەمەر- مينيستر بيىلعى كوكتەمنىڭ وڭاي بولماعانىن، وڭتۇستىك جانە باتىس وڭىرلەردە سۋ بۇرۋ كانالدارى مەن ارىقتاردىڭ، ەلدى مەكەندەر ماڭايىندا تاسقىننان قورعايتىن توپىراق ۇيىندىلەرىنىڭ بولماعانىن ەسكە سالدى.

«تۇركىستان، جامبىل جانە الماتى وبلىستارىندا درەناجدىق جۇيەلەر قاتتى جاۋىن- شاشىنعا توتەپ بەرە المادى. اقتوبە، باتىس قازاقستان وبلىستارىندا بۇرىننان بار بوگەتتەر مەن توپىراق ۇيىندىلەرىن سۋ شايىپ كەتتى. سونىڭ سالدارىنان تۇرعىن ۇيلەرگە سۋ جايىلىپ، قيراپ قالدى. ال قوستاناي وبلىسىنىڭ ءشيلى اۋىلىندا 2020 -جىلى عانا كۇردەلى جوندەۋ جۇرگىزىلگەن بوگەت قيراپ قالعان. كەي جەرلەردە قاردى ۋاقىتىلى شىعارىپ، ارىقتاردى تازارتىپ تۇرۋعا جەتە ءمان بەرىلگەن جوق»، - دەدى ۇكىمەت باسشىسى.

ءا. سمايىلوۆ توتەنشە جاعدايلار مينيسترلىگىنە ەكى اپتا ىشىندە حالىقتى سۋ تاسقىنىنان قورعاۋ جونىندەگى ءىس- شارالار جوسپارىن دايىنداۋدى تاپسىردى.

«بۇدان باسقا، قازىرگى جول كارتاسىن ىسكە اسىرۋدى اياقتاۋ قورىتىندىسى بويىنشا ونىڭ ورىندالۋىنا تالداۋ جۇرگىزىپ، ۇكىمەت اپپاراتىنا ەسەپ بەرۋى قاجەت. ءوڭىر اكىمدەرى سۋ تاسقىنىنا دايىندىق شارالارىن الدىن الا جانە ساپالى وتكىزۋدى قامتاماسىز ەتۋى قاجەت. حالىق سۋ تاسقىنىنان قورعاۋ شارالارىنىڭ ورىندالماعانى تۋرالى ۇنەمى شاعىمدانادى. كۇز سوڭىنا دەيىن ەلدى مەكەندەردى ۇيىندىمەن قورشاۋ، قۇبىرلار مەن ارىقتاردى تازارتۋ، گيدروتەحنيكالىق قۇرىلىستاردىڭ جاي- كۇيىن تەكسەرۋ جانە سۋ بۇرۋ ارنالارىن دايىنداۋ جۇمىستارىن اياقتاۋ قاجەت»، - دەپ تاپسىرما بەردى ءا. سمايىلوۆ.