قاي وڭىردە تۇرعىن ۇيگە مۇقتاج رەتىندە كەزەككە تۇرعان ازاماتتار كوپ

استانا. قازاقپارات - يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى باۋىرجان قابدول ەلىمىزدىڭ قاي وڭىرىندە تۇرعىن ۇيگە مۇقتاج ادامداردىڭ كوپ ەكەندىگىن ايتتى، دەپ حابارلايدى قازاقپارات ءتىلشىسى.

«ەلىمىزدىڭ 20 ءوڭىرىنىڭ ىشىندە تۇرعىن ۇيگە مۇقتاج رەتىندە تىركەلگەن ازاماتتار ەڭ كوبى - شىمكەنتتە. بۇل قالادا 50506 ازامات كەزەكتە تۇر. ەكىنشى ورىندا - تۇركىستان وبلىسى. ءۇشىنشى ورىندا تۇرعان استانا قالاسىندا 46 مىڭ ادام كەزەكتە تۇر. ودان كەيىن الماتى قالاسىندا 41366، جامبىل وبلىسىندا 36961 ادام باسپاناعا مۇقتاج رەتىندە كەزەككە الىنعان»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا باق وكىلدەرىنىڭ ساۋالىنا وراي.

ايتا كەتەيىك، بۇگىندە ەلىمىزدە اكىمدىكتەردە 646819 ادام تۇرعىن ۇيگە مۇقتاج رەتىندە كەزەكتە تۇر.

دەگەنمەن، ونىڭ ىشىندە 232 مىڭ ادام زاڭناما تالاپتارىنا مۇلەم ساي كەلمەيدى جانە الدىن الا مالىمەتتەر نەگىزىندە كەزەكتەن الىنۋى قاجەت.