پرەمەر-مينيستر قاراعاندى وبلىسىنداعى بالالاردىڭ ۋلانۋىنا كىنالى ادامداردى انىقتاۋدى تاپسىردى

استانا. قازاقپارات - بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ مينيسترلىككە قاراعاندى وبلىسىندا بالالاردىڭ ۋلانۋىنا كىنالى ادامداردى انىقتاۋدى تاپسىردى، دەپ حابارلايدى قازاقپارات ءتىلشىسى.

«اجار عينيات قىزى (دەنساۋلىق ساقتاۋ ءمينيسترى)، بالالاردى بارلىق قاجەت دارىگەرلىك كومەكپەن قامتاماسىز ەتىپ، اۋرۋحانادان شىققاننان كەيىن دە ولاردىڭ جاعدايىن ەرەكشە باقىلاۋدا ۇستاڭىزدار. اكىمدىكتەر ينتەرناتتىق، مەديتسينالىق- الەۋمەتتىك مەكەمەلەردەگى بالالاردىڭ قاۋىپسىزدىگىن باقىلاۋدى كۇشەيتۋى قاجەت»، - دەپ تاپسىردى ءا. سمايىلوۆ.

سونىمەن قاتار ۇكىمەت باسشىسى قاراعاندىداعى وقيعا بويىنشا كىنالىلەردى انىقتاۋدى تاپسىردى.

«ىشكى ىستەر مينيسترلىگى بولعان وقيعانىڭ ناقتى سەبەپتەرى مەن كىنالىلەردى انىقتاۋ بويىنشا تەرگەۋ امالدارىن مۇقيات جۇرگىزۋى ءتيىس»، - دەدى پرەمەر-مينيستر.

ەستەرىڭىزگە سالا كەتەيىك، 30-شىلدەدە قاراعاندى وبلىسىنىڭ بالالارعا ارناۋلى الەۋمەتتىك قىزمەت كورسەتۋ ورتالىعىندا بىرنەشە بالا ۋلانىپ، ونىڭ بىرەۋى قايتىس بولدى، التاۋى جانساقتاۋ بولىمىندە جاتىر.

ق ر دەنساۋلىق ساقتاۋ ءمينيسترى اجار عينيات حابارلاعانداي، دارىگەر ماماندار بالالار توكسيكالىق زاتتان قاتتى ۋلانۋى مۇمكىن ەكەنىن ايتىپ وتىر.