استانادا مەكتەپ جارمەڭكەسى وتەدى

استانا. قازاقپارات - استانادا مەكتەپ جارمەڭكەسى 12-تامىزدان باستاپ بەس جەردە جۇمىس ىستەيدى.
None

وتاندىق تاۋار وندىرۋشىلەر ءوز ونىمدەرىن ۇسىنادى، دەپ حابارلادى ەلوردا اكىمدىگىنىڭ رەسمي سايتى.

استانادا بەس ورىندا مەكتەپ جارمەڭكەلەرىن وتكىزۋ جوسپارلانىپ وتىر.

جارمەڭكەگە ايدىڭ سوڭىنا دەيىن ءار سەنبى مەن جەكسەنبى كۇندەرى بارۋعا بولادى: تامىز ايىنىڭ 12، 13، 19، 20، 26، 27-كۇندەرى.

ولار كەلەسى ورىنداردا وتەدى:

1.نۇرا اۋدانىنداعى سيرك تۇراعى؛

2.بايقوڭىر اۋدانىنداعى «تۇلپار» ساۋدا ءۇيى الدىنداعى «ايماقتاۋ» ساۋدا ءۇيىنىڭ تۇراعى؛

3.سارىارقا اۋدانىنداعى Demalys Promenade اللەياسى، قوسشىعۇل ۇلى كوشەسى، 14؛

4.ەسىل اۋدانىنداعى بوتانيكالىق باقتىڭ تۇراعى؛

5.الماتى اۋدانىنداعى ابىلاي حان داڭعىلى، 20ا.

قازىرگى ۋاقىتتا اتالعان جارمەڭكەلەرگە قاتىسۋ ءۇشىن «اتامەكەن» و ك پ-مەن بىرلەسىپ وتاندىق تاۋار وندىرۋشىلەردىڭ تىزبەسى پىسىقتالىپ جاتىر، سونداي-اق جەرگىلىكتى شەبەرلەر مەن قولونەرشىلەرگە قولداۋ كورسەتۋ ماقساتىندا «حاس شەبەر» بىرلەستىگىن (زيۋار) تارتۋ جوسپارلانىپ وتىر. جوسپار بويىنشا شامامەن 10-15 وتاندىق تاۋار ءوندىرۋشى قاتىسادى.

جالپى قالانىڭ ءتۇرلى ورىندارىندا جارمەڭكە وتكىزۋ تۇرعىنداردىڭ قولجەتىمدىلىگىن قامتاماسىز ەتۋگە مۇمكىندىك بەرەدى.

سونىمەن قاتار جارمەڭكە وتاندىق مەكتەپ فورماسى مەن باسقا دا تاۋار وندىرۋشىلەرگە ءوز ونىمدەرىن ۇسىنۋعا مۇمكىندىك بەرەدى.

كاسىپكەرلەرگە ارنالعان ورىندار ساتىپ الۋشىلار ءۇشىن قولايلى باعالار شارتىمەن وتەۋسىز نەگىزدە بەرىلەدى.

قازىرگى ۋاقىتتا قالا اۋداندارىنىڭ اكىمدىكتەرى قاتىسۋشىلار ءۇشىن (ساۋدا شاتىرلارى، ۇستەلدەر مەن ورىندىقتار) جانە كەلۋشىلەر ءۇشىن ولشەۋ ايماقتارى تۇرىندە قاجەتتى ينفراقۇرىلىممەن قامتاماسىز ەتۋ جۇمىستارىن جۇرگىزىپ جاتىر.

سوڭعى جاڭالىقتار