قازاقستانعا وقۋعا كەلەتىن اۋعان جاستارىنان قاۋىپ بار ما – ق ر س ءى م جاۋابى

استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستانعا وقۋعا كەلەتىن اۋعان جاستارى تۋرالى سۇراقتارعا جاۋاپ بەردى، دەپ حابارلايدى قازاقپارات.

«قازاقستانعا ءبىلىم الۋعا كەلەتىن اۋعان جاستارىنا قانداي تالاپتار قويىلادى؟ ولاردىڭ اراسىندا راديكالدى ستۋدەنتتەر بولماي ما؟» ، - دەپ سۇراق قويدى تىلشىلەر ق ر س ءى م- ءنىڭ اپتالىق بريفينگىندە.

«اۋعان ستۋدەنتتەرى بىزدە بىرنەشە جىلدان بەرى وقىپ كەلەدى. ءبىزدىڭ تاراپىمىزدان ارنايى باعدارلامالار بويىنشا ج و و- لار ءبىلىم بەرەدى. ال ونىڭ شىعىندارىن ەۋروپالىق وداق تولەيتىن. تولىعىمەن ەۋروپالىق باعدارلامامەن وقىتىلادى. ستۋدەنتتەر مۇندا جىبەرىلمەس بۇرىن تەكسەرۋدەن وتەدى، ۆيزا قۇجاتتارىن تاپسىرادى. سوندىقتان، ولاردان قورقۋ - نەگىزسىز. بۇل - ءبىلىم العىسى كەلەتىن قاراپايىم ستۋدەنتتەر»، - دەپ جاۋاپ بەردى ايبەك سمادياروۆ