19:51, 07 - تامىز 2023 | GMT +5
استانا ىرگەسىندە قۇرعاق ءشوپ پەن قامىس ورتەنىپ جاتىر
كوكشەتاۋ. قازاقپارات - اقمولا وبلىسى، ارشالى اۋدانىنىڭ جىبەك جولى اۋىلى ماڭىندا قۇرعاق ءشوپ پەن قامىس ورتەنىپ جاتىر، دەپ حابارلايدى قازاقپارات ءتىلشىسى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، ءورت بۇگىن ساعات 15:06 شاماسىندا تۇتانعان.
«قىزىل جالىن 1 گەكتار اۋماققا جايىلدى. زارداپ شەككەندەر جوق. ءورت سوندىرۋگە اقمولا وبلىسى مەن استانا قالاسىنىڭ توتەنشە جاعدايلار دەپارتامەنتتەرى، سونداي- اق جەرگىلىكتى اتقارۋشى ورگاندار مەن ەرىكتى ءورت ءسوندىرۋ قۇرالىمدارىنان 17 ادام مەن 5 ارنايى تەحنيكا جۇمىلدىرىلدى. ءورت سوندىرۋشىلەردىڭ جەدەل ارەكەتىنىڭ ارقاسىندا ءورتتىڭ تارالۋىنا جول بەرىلمەدى»، - دەدى ۆەدومستۆودان.
وسى رەتتە، اقمولا وبلىسى ت ج د قىزمەتكەرلەرى ءوڭىر تۇرعىندارى مەن قوناقتارىنا ورماندى دالا القاپتارىنا بارعان كەزدە ءورت قاۋىپسىزدىگى ەرەجەلەرىن ساقتاۋ قاجەتتىگىن ەسكە سالادى.
ايتا كەتسەك، بۇدان بۇرىن اقمولا وبلىسىنىڭ ءبىرجان سال اۋدانىندا قۇرعاق ءشوپ ءورتى سوندىرىلگەنىن جازعان ەدىك.