20:24, 07 - تامىز 2023 | GMT +6
ە ق ى ۇ ءتوراعاسى قازاقستانعا رەسمي ساپارمەن كەلەدى
استانا. قازاقپارات – 11- تامىزدا ە ق ى ۇ قازىرگى ءتوراعاسى، سولتۇستىك ماكەدونيانىڭ سىرتقى ىستەر ءمينيسترى بۋيار وسماني قازاقستانعا رەسمي ساپارمەن كەلەدى، دەپ حابارلايدى قازاقپارات ءتىلشىسى.
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ اپتالىق بريفينگتە ايتتى.
«11- تامىزدا ە ق ى ۇ قازىرگى ءتوراعاسى، سولتۇستىك ماكەدونيانىڭ سىرتقى ىستەر ءمينيسترى بۋيار وسماني قازاقستانعا رەسمي ساپارمەن كەلەدى. ساپار اياسىندا ب. وسمانيدىڭ ەل باسشىلىعىمەن، سەنات ءتوراعاسى ماۋلەن اشىمبايەۆپەن، پرەمەر- مينيستر ورىنباسارى - سىرتقى ىستەر ءمينيسترى مۇرات نۇرتىلەۋمەن، ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆامەن كەزدەسۋلەر جوسپارلانىپ وتىر»، - دەدى ق ر س ءى م رەسمي وكىلى.
سپيكەردىڭ ايتۋىنشا، كەلىسسوزدەر بارىسىندا قازاقستاننىڭ ە ق ى ۇ- مەن ءوزارا ءىس- قيمىلىنىڭ وزەكتى ماسەلەلەرى، ەلىمىز بەن سولتۇستىك ماكەدونيا ىنتىماقتاستىعىن ودان ءارى دامىتۋ پەرسپەكتيۆالاى جونىندە پىكىر الماسۋ وتەدى.
