استانانى سۋ باستى: ەلوردا ەكوسەستەم ديرەكتورى قىزمەتىنەن كەتتى

استانا. قازاقپارات - «elorda eco system» ديرەكتورى قىزمەتىنەن بوساتىلدى. بۇل تۋرالى قالا اكىمدىگىنەن ءمالىم ەتتى، دەپ حابارلايدى قازاقپارات.
None
Видеодан алынған кадр: tiktok.com/@__abdabekova

قالانىڭ نوسەر سۋىن قابىلدايتىن كارىز جۇيەسىنىڭ دۇرىس جۇمىس ىستەمەۋى جانە سالدارىنان كەيبىر ۋچاسكەلەردى سۋ باسۋعا جول بەرىلگەنى ءۇشىن «elorda eco system» ديرەكتورى تيمۋر شودانوۆ قىزمەتىنەن بوساتىلدى. وتىن- ەنەرگەتيكا كەشەنى جانە كوممۋنالدىق شارۋاشىلىق باسقارماسى مەن «elorda eco system» الدىنا جەرۇستى اعىن سۋىن بۇرۋدى قامتاماسىز ەتۋ ءۇشىن ءتيىستى ءىس- شارالار جۇرگىزۋ مىندەتى قويىلدى: كوللەكتورلار مەن جاڭبىر سۋىن قابىلداعىشتاردى تازارتۋ، قۇبىرلاردى بۋلاۋ، نوسەرلى كارىز جەلىسىنىڭ قۋاتىن ۇلعايتۋ جانە تاعى باسقاسى، - دەلىنگەن اكىمدىك مالىمەتىندە.

اكىمدىك اقپاراتىنا سايكەس، 2023 -جىلى جەرۇستى اعىن سۋىن بۇرۋ ءۇشىن نوسەر سۋىن قابىلدايتىن 2,5 ك م ماگيسترالدى جەلى سالۋ جوسپارلانىپ وتىر. وسىعان دەيىن 200 دەن استام پروبلەمالى ۋچاسكەدە سۋ باسۋ ماسەلەسى شەشىلگەن.

ەسكە سالايىق، كەشە استانادا جاڭبىر سالدارىنان كەيبىر كوشەلەردى سۋ باسقان بولاتىن. سالداردى جويۋعا 100 دەن استام تەحنيكا جۇمىلدىرىلدى.

سوڭعى جاڭالىقتار