شىمكەنتتە پوليسيا قىزمەتكەرى كولىكپەن قاققان كەلىنشەك قايتىس بولدى
بۇعان دەيىن حابارلاعانىمىزداي، 3- تامىز كۇنى بايتۇرسىنوۆ كوشەسىندەگى جاياۋ جۇرگىنشىلەر وتكەلىندە تۇران اۋداندىق پوليتسيا ءبولىمىنىڭ جۇرگىزۋشى پوليتسەيى قىزمەتتىك اۆتوكولىكپەن 2 ادامدى قاعىپ كەتكەن بولاتىن. سالدارىنان 40 جاستاعى ايەل مەن ونىڭ كامەلەت جاسىنا تولماعان قىزى اۋرۋحاناعا جەتكىزىلدى.
كەلىنشەك №1 قالالىق كلينيكالىق اۋرۋحانانىڭ جانساقتاۋ بولىمىنە جاتقىزىلعان ەدى. دارىگەرلەر ءۇش كۇن بويى ارپالىسقانىمەن، ناۋقاستىڭ ءومىرىن امان الىپ قالا الامادى.
«ناۋقاس جاساندى تىنىس الۋ اپپاراتىندا بولدى. ەم شارالارى جۇرگىزىلگەنىنە قاراماستان، جاعدايى اۋىرلاپ، 7- تامىز كۇنى قايتىس بولدى»، - دەيدى دارىگەر وڭالباي نارمانوۆ.
جول- كولىك اپاتى شىمكەنت قالاسى پوليتسيا دەپارتامەنتىندە ق ر قىلمىستىق كودەكسىنىڭ 345-بابى 2-بولىگى (كولىك قۇرالدارىن باسقاراتىن ادامنىڭ ابايسىزدا ادام دەنساۋلىعىنا اۋىر زيان كەلتىرۋگە اكەپ سوققان جول ءجۇرۋ قاعيدالارىن بۇزۋ) بويىنشا تەرگەلىپ جاتىر.
