الماتى وبلىسىندا اتەشتەر اراسىندا توبەلەس «كەشتەرى» ۇيىمداستىرىلعان

قونايەۆ. قازاقپارات - الماتى وبلىسىندا اتەش توبەلەستىرىپ، پايدا تاپقانداردىڭ ۇستىنەن ءىس قوزعالدى، دەپ حابارلايدى قازاقپارات ءتىلشىسى.
None

الماتى وبلىسىندا اتەشتەر اراسىندا توبەلەس «كەشتەرى» وتەتىنى جايلى ۆيدەو جەلىگە شىقتى.

«الماتى وبلىسى ىلە اۋدانى قويانقۇس اۋىلىنىڭ تۇرعىندارى ەشتەڭەدەن قورىقپايتىن اتەشتەردىڭ اراسىندا شايقاستار وتكىزەدى. مۇندا زاڭسىز ويىن بيزنەسىن ۇيىمداستىرۋدىڭ كورىنىستەرى بار.. . زاڭ بويىنشا توبەلەس ۇيىمداستىرۋعا قاتاڭ تىيىم سالىنعان»، - دەلىنەدى جەلىدەگى جازبادا.

الماتى وبلىسىنىڭ پوليتسيا دەپارتامەنتىنىڭ مالىمەتىنشە، الەۋمەتتىك جەلى ارقىلى 5-تامىزدا ىلە اۋدانى قويانقۇس اۋىلىندا اتەشتەر اراسىندا توبەلەس ۇيىمداستىرىلعانى انىقتالعان.

«اتالعان دەرەك ىلە اۋدانىنىڭ پوليتسيا باسقارماسىندا قر قك 307-بابى «زاڭسىز ويىن بيزنەسىن ۇيىمداستىرۋ» بويىنشا تىركەلدى. قازىر جينالعان ماتەريالدار الماتى وبلىسىنىڭ ەكونوميكالىق تەرگەۋ قىزمەتىنە تاپسىرىلاتىن بولادى»، - دەپ حابارلادى الماتى وبلىسىنىڭ پوليتسيا دەپارتامەنتىنىڭ باسپا ءسوز قىزمەتى.


سوڭعى جاڭالىقتار