مارك سۋكەربەرگ پەن يلون ماسكتىڭ جەكپە- جەگى قاشان وتەدى

استانا. قازاقپارات - «مەتا» كومپانياسىنىڭ باسشىسى مارك سۋكەربەرگ X (بۇعان دەيىن Twitter) الەۋمەتتىك جەلىسىنىڭ يەگەرى يلون ماسكپەن ايقاسۋعا دايىن ەكەنىن مالىمدەدى.
None

«ارمەنپرەسس» مالىمەتىنشە، جەكپە- جەكتى 26- تامىزدا وتكىزۋدى ۇسىنعان، دەپ حابارلايدى قازاقپارات.

«مەن بۇگىن دە دايىنمىن. وعان 26- تامىزدا وتكىزۋدى ۇسىندىم، الايدا ول ءالى ناقتىلامادى»، - دەپ جازدى سۋكەربەرگ Threads الەۋمەتتىك جەلىسىندە. ول ايقاستىڭ ءوزى ۇسىنعان كۇنى وتەتىنىنە كۇماندانادى.

سۋكەربەرگ ماسكتىڭ ايقاسقا جاتتىعىپ جاتقانى تۋرالى جازباسىن دا اتاپ ءوتتى. ماسك 6- تامىزدا سۋكەربەرگپەن جەكپە- جەگى X تىكەلەي ەفيرىندە كورسەتىلەتىنىن، ودان تۇسكەن قاراجات ارداگەرلەرگە ارنالعان قايىرىمدىلىققا جۇمسالاتىنىن جازعان.

سۋكەربەرگتىڭ X الەۋمەتتىك جەلىسىمەن باسەكەلەسەتىن Threads پلاتفورماسىن اشۋى ەكى ميللياردەردىڭ اراسىندا كەلىسپەۋشىلىك تۋدىرعان. سوڭعى ۋاقىتتا ماسك پەن سۋكەربەرگتىڭ ارالاس جەكپە- جەك بويىنشا ايقاسى كەڭىنەن تالقىلانىپ كەلەدى. ابسوليۋتتى سايىسكەر چەمپيوناتىنىڭ پرەزيدەنتى دەينا ۋايت ايقاس وتەدى دەپ ەسەپتەيدى جانە ول ەڭ كوپ قارالىم جيناماق.

ەسكە سالايىق، بۇعان دەيىن يلون ماسك مارك سۋكەربەرگكە قارسى جەكپە- جەككە قىزۋ دايىندىق جۇرگىزىپ جاتقانىن حابارلاعان ەدىك.

قوس ميللياردەردىڭ وكتاگوندا جەكپە- جەك وتكىزۋىنە قاتىستى يدەياسى 20 -ماۋسىمدا تۋىنداعان. يتاليا ۇكىمەتى ايقاستى ريم كوليزەيىندە ۇيىمداستىرۋ ءۇشىن مارك سۋكەربەرگپەن بايلانىسقا شىققان.


سوڭعى جاڭالىقتار