لاي كوشكىنى گرۋزيانىڭ شوۆي كۋرورتىن جوق قىلدى

تبيليسي. ازەرتادج- قازاقپارات – 3- تامىزدا گرۋزيانىڭ باتىسىنداعى راچا تاۋلى ايماعىندا بولعان كوشكىننەن شوۆي كۋرورتى تولىق جويىلدى، دەپ حابارلايدى قازاقپارات ازەرتادج- عا سىلتەمە جاساپ.

بۇل تۋرالى جۋرناليستەرگە تبيليسي مەرى، «گرۋزيا ارمانى - دەموكراتيالىق گرۋزيا» پارتياسىنىڭ باس حاتشىسى كاحا كالادزە ءمالىم ەتتى. ونىڭ ايتۋىنشا، راچاداعى جاعداي ايتارلىقتاي پروبلەمالارعا اكەلگەن، اتاپ ايتقاندا شوۆيدە ينفراقۇرىلىم بۇزىلعان. كۋرورتتى تولىق لاي باسقان. كالادزەنىڭ اتاپ وتۋىنشە، ايماقتا كوشكىن سالدارىن جويۋ جۇمىستارى تاۋلىك بويى ءجۇرىپ جاتىر. ايتا كەتەيىك، قازىرگى ۋاقىتتا 18 ادامنىڭ ءمايىتى تابىلعان، تاعى 20 ادام ىزدەستىرىلىپ جاتىر. 14 ادامنىڭ جەكە باسى انىقتالدى. ولاردىڭ اراسىندا رۋستاۆيلىق 18 جاستاعى ازەربايجان ساميرۆا يسايەۆا، تاعى ءبىر رەسەي ازاماتشاسى بار.

ايتا كەتەيىك، گرۋزيانىڭ شوۆي كۋرورتىندا بولعان قايعىلى جاعدايعا بايلانىستى 7- تامىز ەلدە قارالى كۇن بولىپ جاريالاندى.