استانادان سولتۇستىك قازاقستانعا كوشەتىندەرگە باسپانا اقىسى، سۋبسيديالار مەن گرانتتار بەرىلەدى

استانا. قازاقپارات - 7-9- تامىز كۇندەرى استانا قالاسىنىڭ ەڭبەك موبيلدىگى ورتالىعىندا س ق و جامبىل اۋدانىنا قونىس اۋدارۋ بويىنشا كەڭەس وتەدى، دەپ حابارلايدى قازاقپارات ەلوردا اكىمدىگىنە سىلتەمە جاساپ.
None

شارا «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسى اياسىندا ۇيىمداستىرىلادى. مۇندا بازالىق قىزمەتتەرگە حالىقتىڭ تەڭ قولجەتىمدىلىگىن قامتاماسىز ەتۋ، تۇرعىن ءۇي- كوممۋنالدىق جاعدايدى جاقسارتۋ جانە تۇرعىن ءۇي قۇرىلىسىن دامىتۋ، ەلدىڭ كولىكتىك- ترانزيتتىك الەۋەتىن كوتەرۋ ەسەبىنەن ازاماتتاردىڭ قولايلى ءومىر ءسۇرۋ ورتاسىن قۇرۋ ماقساتى كوزدەلگەن.

«قونىس اۋدارۋ كەزىندە ازاماتتارعا 4 ميلليون تەڭگەگە دەيىن باسپانا ساتىپ الۋعا سەرتيفيكات بەرىلەدى. وتباسىنىڭ ءار مۇشەسىنە 70 ا ە ك (241500 تەڭگە) سۋبسيديا بەرىلەدى. ءبىر جىلعا دەيىن تۇرعىن ءۇي جالداۋ اقىسى تولەنەدى. قايتارىمسىز گرانتتار 400 ا ە ك (1380000 تەڭگە) كولەمىندە بەرىلەدى. تۇراقتى جۇمىس تابۋعا كومەك كورسەتىلەدى، بۇگىندە جالپى 118 بوس جۇمىس ورنى بار»، - دەپ جازىلعان قالا اكىمدىگىنىڭ سايتىندا.

جامبىل اۋدانى - سولتۇستىك قازاقستان وبلىسىنىڭ سولتۇستىك- شىعىس بولىگىندە ورنالاسقان، رەسەيدىڭ قورعان وبلىسىمەن جانە قوستاناي وبلىسىمەن، مامليۋت، ەسىل، شالاقىن جانە تيميريازيەۆ اۋداندارىمەن شەكتەسەدى. اۋداندا 22,5 مىڭ ادام تۇرادى.

وبلىس ەكونوميكاسىنىڭ نەگىزگى سالاسى - اۋىل شارۋاشىلىعى، ونىڭ ىشىندە وسىمدىك جانە مال شارۋاشىلىعى.

اۋداندا 12 اۆتوبۋس (2 اۋىلدىق، 1 قالاارالىق جانە 9 قالالىق)، مەكتەپكە دەيىنگى 30 ءبىلىم بەرۋ مەكەمەسى، 33 ورتا مەكتەپ، 1 ونەر مەكتەبى، 1 كاسىپتىك ليسەي، 6 مەكتەپ- ينتەرنات بار.

سوڭعى جاڭالىقتار