ۇرلىق تۇرلەرىنىڭ تورتتەن ءبىرى پاتەر توناۋ بولىپ وتىر
بۇل تۋرالى ق ر ءى ءى م كريمينالدى پوليتسيا دەپارتامەنتىنىڭ اسا ماڭىزدى ىستەر جونىندەگى اعا جەدەل ۋاكىلى اسەت جۇكەنوۆ ايتىپ بەردى.
بارلىق ۇرلىق تۇرلەرىنىڭ تورتتەن ءبىر بولىگى پاتەردى توناۋ بولىپ وتىر. وسىعان بايلانىستى قۇقىق قورعاۋ ورگاندارىنا وسى قول سۇعۋشىلىقتاردىڭ الدىن الۋ جانە اشۋ بويىنشا ەرەكشە مىندەتتەر جۇكتەلگەن.
«ۇرلىققا قارسى شارالار كەشەنىن كوزدەيتىن مۇلىكتى قورعاۋ بويىنشا ءى ءى م ۆەدومستۆولىق باعدارلامالارى كەزەڭ- كەزەڭىمەن ىسكە اسىرىلادى. تۇرعىن ۇيلەردىڭ اۋلالارىندا 68 مىڭنان استام بەينەباقىلاۋ كامەراسى ورناتىلعان، ال 22 مىڭنان استامى تۇرعىندار باستاماسىمەن جابدىقتالعان. كۇن سايىن پاتەر ۇرلىعىن جاساۋ ءادىسى، ءتاسىلى، ۋاقىتى بويىنشا تالداۋ جۇرگىزىلەدى، ونىڭ ناتيجەسىندە پوليتسيانىڭ پاترۋلدىك جاساقتارىنىڭ قوزعالىس باعىتتارى قاراستىرىلادى»، - دەدى ءا. جۇكەنوۆ ق ر ءى ءى م اپتالىق بريفينگىندە.
وسىلايشا، اشىلعان قىلمىستار تاجىريبەسىنەن پاتەر ۇرلىعىن قايتا قىلمىسقا بارعاندار، جابىرلەنۋشىلەرمەن تاتۋلاسۋ ارقىلى جاۋاپقا تارتىلماعان ادامدار جاسايتىنى انىقتالدى.
وسى جاعدايدى ەسكەرىپ، قىلمىستىق كودەكسكە ۇرلىق جاساۋدى جانە ءۇي- جايلارعا زاڭسىز كىرىپ ۇرلىق جاساۋدى قىلمىستىڭ اۋىر تۇرلەرىنە جاتقىزۋ جونىندە بىرنەشە وزگەرىس ەنگىزىلدى، ول ءۇشىن مۇلكى تاركىلەنىپ، 7 جىلعا دەيىن باس بوستاندىعىنان ايىرۋ جازاسى كوزدەلگەن.
