استانادا «جايلى مەكتەپ» ۇلتتىق جوباسىن ىسكە اسىرۋ جۇمىسى باستالدى - فوتو

استانا. قازاقپارات - استانادا «جايلى مەكتەپ» جوباسى جۇزەگە اسىرىلا باستادى. مەملەكەت باسشىسىنىڭ تاپسىرماسى بويىنشا «جايلى مەكتەپ» ۇلتتىق جوباسى اياسىندا استانادا 24 مەكتەپ سالىنادى، دەپ حابارلايدى قازاقپارات ەلوردا اكىمدىگىنە سىلتەمە جاساپ.
None
Photo: gov.kz

جاڭا فورماتتاعى وقۋ ورىندارى ەكى اۋىسىمدا 90 مىڭعا جۋىق وقۋشىعا ارنالعان ورىن اشۋعا مۇمكىندىك بەرەدى. ماسەلەن 24 جايلى مەكتەپتىڭ 15 ى قارقىندى دامىپ كەلە جاتقان نۇرا مەن ەسىل اۋداندارىندا ورنالاساتىن بولادى. سونداي- اق جايلى مەكتەپتەر قالانىڭ ەلدى مەكەندەرىندە دە ورنالاساتىن بولادى.


قازىرگى ۋاقىتتا 15 جايلى مەكتەپ بويىنشا جۇمىس باستالدى. استانا اكىمى جەڭىس قاسىمبەك پەن Samruk-Kazyna Construction باسقارما ءتوراعاسى ماۋلەن ايمانبەتوۆ مەكتەپتەردىڭ جوبالارىمەن جانە قۇرىلىس جۇمىسىنىڭ دايىندىق بارىسىمەن تانىستى. قازىرگى ۋاقىتتا جەر ۋچاسكەلەرىن دايىنداۋ بويىنشا جۇمىس ءجۇرىپ جاتىر: قورشاۋلار، ينجەنەرلىك- گەولوگيالىق ىزدەستىرۋ، قادالاردى بىتەۋ، قۇرىلىس تەحنيكاسىن جۇمىلدىرۋ جانە ت. ب.


استانا اكىمى جەڭىس قاسىمبەك وزگە دە ءبىرقاتار مەملەكەتتىك مەكتەپتىڭ قۇرىلىسىمەن تانىستى. ماسەلەن تۇران داڭعىلى مەن №24-كوشەنىڭ، قاراساي باتىر مەن بۇلانتى، كوكسەڭگىر كوشەلەرىنىڭ قيىلىسىنداعى مەكتەپتەر، سونداي-اق قازىرگى №17 جانە №27-مەكتەپتەردىڭ جانىنداعى جاڭا عيماراتتار.

قازىرگى ۋاقىتتا 14 مەكتەپتىڭ قۇرىلىسى ءجۇرىپ جاتىر، ونىڭ 11 ى جاڭا وقۋ جىلى ىشىندە اشىلاتىن بولادى. مەكتەپتەردىڭ قۇرىلىسى جاڭا اۋدانداردا دا، قالانىڭ وڭ جاعالاۋىندا دا، ەلدى مەكەندەردە دە جۇرگىزىلىپ جاتىر. ولاردىڭ ءبىر بولىگى اپاتتى جاعدايداعى مەكتەپتەردى الماستىرادى.


سوڭعى جاڭالىقتار