قوستانايدا «كيا» زاۋىتىن سالۋ جوسپارلانىپ وتىر

بۇل تۋرالى «كيا» زاۋىتىنىڭ باس ديرەكتورى كيم دەكي ينۆەستيتسيالىق فورۋم بارىسىندا ءمالىم ەتتى، دەپ حابارلايدى قازاقپارات ءتىلشىسى.
«كيا» زاۋىتىنىڭ باس ديرەكتورى كيم دەكي كومپانيانىڭ ەۋروپا مەن ازيا اراسىنداعى ستراتەگيالىق ماڭىزدى كوپىرى سانالاتىن قازاقستانمەن تىعىز ىنتىماقتاستىق جونىندەگى نيەتىن ايتتى.
وسى برەندتەگى العاشقى زاۋىتتى قازاقستاندا سالۋ تۋرالى شەشىم وسى جەردەن پايدا بولدى.
قۇرىلىسى جوسپارلانعان زاۋىتتا كورەي ماركالى اۆتوكولىكتەردى شىعارۋدىڭ تولىق سيكلىن ىسكە قوسۋ جوسپارلانىپ وتىر.
كيم دەكتىڭ ايتۋىنشا، جوبانى جۇزەگە اسىرۋعا شامامەن 200 ميلليون دوللار بولىنەدى، ونىڭ 120 ميلليون دوللارى قۇرال-جابدىق ساتىپ الۋعا، قالعان 80 ميلليون دوللارى زاۋىتتىڭ ءوزىن سالۋعا جۇمسالادى.
«العاشقى قۇرىلىس جۇمىستارى بيىل كۇزدە باستالادى، ال 2024-جىلدىڭ تامىزىندا قۇرىلعىلاردى ورناتۋ جۇمىستارى جۇرەدى. 2025-جىلدىڭ ماۋسىمىنا دەيىن كورپوراتسيا تولىق وندىرىستىك سيكلدى ىسكە قوسۋدى جوسپارلاپ وتىر»، - دەدى كيم دەكي.
ينۆەستورلار مەن جەرگىلىكتى بيلىك وكىلدەرىنىڭ ويىنشا زاۋىتتىڭ ىسكە قوسىلۋى ءوڭىردىڭ ەكونوميكالىق دامۋىنا وڭ اسەرىن تيگىزەدى.