جاڭا جامبىل فوسفور زاۋىتىندا جارىلىس بولدى

وقيعا 3- تامىز كۇنى ساعات 11:30 دا بولعان.
جامبىل وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ بەرگەن مالىمەتىنشە، «ن د ف ز» ج ش س فوسفور زاۋىتى قويماسىنىڭ اۋماعىندا كونتەينەرلىك تسيستەرنادان سارى فوسفور الىنعان.
سالدارىنان 1991-جىلى تۋعان ەكى ازامات ورمانوۆ د. ج. جانە 1997-جىلى تۋعان قالدىباي ش. ە. زارداپ شەگىپ، اۋرۋحاناعا جەتكىزىلدى.
ولارعا العاشقى مەديتسينالىق كومەك كورسەتىلگەن.
كۇيىك اۋرۋىنىڭ شوك كەزەڭى - 2-3. فوسفورمەن تەرموحيميالىق كۇيىك - 22 پايىز.
بۇعان دەيىن جامبىل وبلىسىندا تۇرعىن ۇيدەن ءورت شىعىپ، 50 دەن استام ادام قۇتقارىلعانىن جازعان بولاتىنبىز.
وقيعا ورنىنا جامبىل وبلىستىق توتەنشە جاعدايلار دەپارتامەنتىنىڭ قىزمەتكەرلەرى جەدەل جەتىپ، باسپالداق ارقىلى 50 ادامدى ەۆاكۋاتسيالاپ، قاۋىپسىز جەرگە كوشىردى.
ونىڭ 20 سى — بالالار.
اپاتتار مەديتسيناسى ورتالىعى فيليالىنىڭ دارىگەرلەرى مەن پسيحولوگتەرى اتالعان كوپقاباتتى تۇرعىن ءۇيدىڭ تۇرعىندارىنا پسيحولوگيالىق كومەك كورسەتتى.
سونداي-اق جامبىل وبلىسىندا ءجۇرىپ بارا جاتقان كولىكتەن دەنەسىن شىعارىپ، اڭگىمەلەسكەن جىگىتتەر 224 مىڭ تەڭگە ايىپپۇل تولەيتىن بولدى.