كوكشەتاۋ تۇرعىنى ۇرلاپ اكەتكەن كولىگىمەن ايالدامانى جانە دۇكەندى سوعىپ قيراتتى

كوكشەتاۋ. قازاقپارات - كوكشەتاۋدا 25 جاستاعى ەر ادام ماس كۇيىندە كولىك ۇرلاپ، پوليتسيانىڭ ەسكەرتۋىنە قۇلاق اسپاي، اۆتوبۋس ايالداماسىن جانە دۇكەندى سوعىپ قيراتتى.
None
Видеодан алынған кадр: instagram.com/sinegor.kz

پوليتسيا سوتقا دەيىنگى وندىرىستىك ءىس قوزعادى، دەپ حابارلايدى قازاقپارات ءتىلشىسى اقمولا وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 3- تامىز ساعات 21:35 شاماسىندا كوكشەتاۋ قالالىق پوليتسيا باسقارماسىنىڭ كەزەكشى بولىمىنە «اسكەر-61» پاترۋلدىك پوليتسيا ەكيپاجى ينسپەكتورىنان حابار تۇسكەن.

ول ءاشىموۆ كوشەسى بويىندا Nissan Primera اۆتوكولىگىنىڭ جۇرگىزۋشىسى پوليتسيا قىزمەتكەرلەرىنىڭ ەسكەرتۋىنە توقتاماعانى جانە ءرۋلدى باسقارا الماي اۆتوبۋس ايالداماسى مەن دۇكەنگە سوعىلعانىن جەتكىزگەن.

انىقتالعانداي، سول كۇنى ساعات 18:00 شاماسىندا 25 جاستاعى ەر ادام كوكشەتاۋ قالاسىنداعى جەرگىلىكتى ۇيلەردىڭ ءبىرىنىڭ اۋلاسىندا تۇرعان Nissan Primera-نى ۇرلاپ اكەتكەن، كەيىن جول اپاتىنا ۇشىراعان.

وقيعا ورنىنا كەلگەن جەدەل جاردەم قىزمەتكەرلەرى ەر ادامنىڭ مويىن ومىرتقاسى مەن كەۋدە قۋىسىنا سوققى العانىن انىقتادى.

ەر ادام كوكشەتاۋ قالالىق پ ب ۋاقىتشا ۇستاۋ وقشاۋلاعىشىنا قامالدى.

«وسى وقيعاعا بايلانىستى قىلمىستىق كودەكستىڭ 200-بابى بويىنشا سوتقا دەيىنگى ءىس قوزعالدى. بۇدان بولەك، كۇدىكتىگە اكىمشىلىك قۇقىق بۇزۋ كودەكسىنىڭ 613-بابى، 599-بابى جانە 608-بابىنىڭ 6-بولىگى بويىنشا اكىمشىلىك حاتتاما تولتىرىلدى»، - دەدى ۆەدومستۆودان.

ايتا كەتسەك، بۇدان بۇرىن الەۋمەتتىك جەلىدە تۇرعىندارعا بالاعات ءسوز ايتقان شۋچە اكىمىنە قاتىستى قىزمەتتىك تەكسەرىس ءجۇرىپ جاتقانىن حابارلاعان ەدىك.

سوڭعى جاڭالىقتار