قونايەۆتاعى بالالار لاگەرىنىڭ ديرەكتورى جۇمىس ورنىندا ماس بولىپ جۇرگەن - باس پروكۋراتۋرا

بۇل تۋرالى قازاقپارات باس پروكۋراتۋراعا سىلتەمە جاساپ حابارلايدى.
ءاربىر ەكىنشى بالالار مەكەمەسىنىڭ ويىن جانە سپورت الاڭدارىندا قاۋىپسىزدىك تالاپتارى ساقتالماعانى انىقتالدى. ەسكى جاتىن-ورىندارى كۇردەلى جوندەۋدى قاجەت ەتەدى. بۇل رەتتە، 4 بالاعا ارنالعان بولمەلەردە ءىس جۇزىندە 8 نەمەسە ودان دا كوپ ادام ورنالاستىرىلعان.
«بايتەرەك» (قونايەۆ قالاسى) لاگەرىندە مەملەكەتتىك ساتىپ الۋ تۋرالى شارتتىڭ تالاپتارىنا قايشىلىق بار، بالالاردىڭ دەمالىسى مەن ءبىلىم الۋى دۇرىس ۇيىمداستىرىلماعان. قاپشاعاي سۋ قويماسىندا بالالاردىڭ سۋعا ءتۇسۋى كەزىندە قاۋىپسىزدىگى قامتاماسىز ەتىلمەگەن. ونىڭ ۇستىنە، وسى لاگەر ديرەكتورى جۇمىس ورنىندا ماس كۇيىندە بولعان. ول اكىمشىلىك جاۋاپكەرشىلىككە تارتىلدى (ق ر ا ق ب ت ك 440-بابى).
تەكسەرۋ قورىتىندىلارى بويىنشا بالالار لاگەرلەرى اكىمشىلىگىنىڭ كامەلەتكە تولماعانداردى تاربيەلەۋ جونىندەگى مىندەتتەرىن ورىنداماۋىنا بايلانىستى سوتقا دەيىنگى تەرگەپ-تەكسەرۋ (ق ك 140-بابىنىڭ 2-بولىگى) باستالدى.