ۇشاقپەن الىپ ۇشۋعا بولمايتىن زاتتار ءتىزىمى وزگەردى

استانا. قازاقپارات - قازاقستاندا ۇشاقتاعى قول جۇگى مەن باگاج رەتىندە تاسىمالداۋعا تىيىم سالىنعان زاتتاردىڭ جاڭارتىلعان ءتىزىمى جاريالاندى، دەپ حابارلايدى قازاقپارات ءتىلشىسى.
None

بۇرىنعىداي كەمىندە جارىلعىش زاتتىڭ زاريادى مەن جارىلعىش قۇرىلعىلارعا، وق-دارىلەردىڭ بارلىق تۇرىنە، اتىس قارۋىنا، تۇيرەگىش جانە كەسەتىن قارۋعا، سونداي-اق باسقا دا قاۋىپتى زاتتارعا تىيىم سالىنعان.

بۇدان بولەك، اتالعان تالاپتارعا تاعى ءبىر تارماق قوسىلدى. وندا باگاجدا تاسىمالداۋعا تىيىم سالىنعان قاۋىپتى زاتتار مەن نارسەلەر ەسكەرىلگەن. سونىڭ اراسىندا باتارەيامەن جۇمىس ىستەيتىن ءپورتاتيۆتى ەلەكتروندى تەمەكى قۇرىلعىلارى بار. ونىڭ ىشىندە ەلەكتروندى جۇقا سيگارالار، ەلەكتروندى سيگارالار، ەلەكتروندى تۇتىكتەر، جەكە بۋلاندىرعىشتار قامتىلعان.

اتاپ ايتقاندا، ۇشاقتا تاسىمالداۋعا تىيىم سالىنعان زاتتاردىڭ تولىق تىزىمىمەن نورماتيۆتىك قۇقىقتىق اكتىلەرىنىڭ ەلەكتروندىق تۇردەگى ەتالوندىق باقىلاۋ بانكى سايتىندا تانىسۋعا بولادى.

سوڭعى جاڭالىقتار