الماتىدا كوپقاباتتى ۇيدەگى ورتتەن كەيىن قانشا ادام اۋرۋحانادا ەمدەلىپ جاتىر

الماتى. قازاقپارات - «اقكەنت» ىقشاماۋدانىنداعى ءورت سالدارىنان بارلىعى 49 ادام زارداپ شەكتى، ونىڭ ىشىندە ەكى ەرەسەك ادام 7№ قالالىق كلينيكالىق اۋرۋحانادا جاتىر. 3 بالا 2№ بالالار كلينيكالىق اۋرۋحاناسىندا ستاتسيونارلىق ەم الىپ ءجۇر، دەپ حابارلايدى قازاقپارات ءتىلشىسى.
None

«بۇگىنگى كۇنگى جاعداي بويىنشا، ەكى ەرەسەك ادام 7№ قالالىق كلينيكالىق اۋرۋحانانىڭ بولىمشەسىندە جاتىر، جاعدايلارى ورتاشا اۋىر، ءبىرقالىپتى. بالالاردىڭ دا جاعدايى تۇراقتى. رەانيماتسيادا جانە اپپاراتتا جاتقان جاعدايى اۋىر بالالار جوق»، - دەدى الماتى قالاسى قوعامدىق دەنساۋلىق ساقتاۋ باسقارماسىنىڭ ءبولىم باسشىسى ءلايلا يمانعاليەۆا.

ۆەدومستۆو مالىمەتىنشە، الاتاۋ اۋدانى اقكەنت ىقشاماۋدانى، 54-ۇيدە بولعان ورتكە 23 جەدەل جاردەم بريگاداسى جۇمىلدىرىلدى، ونىڭ ىشىندە 5 جانساقتاۋ بريگاداسى بولدى.

ەسكە سالايىق، ءبىز بۇعان دەيىن الماتىدا 16 قاباتتى ۇيدە ءورت تۇتانعانىن حابارلاعان ەدىك.

قىزىل جالىن ساعات 18:46 كەزىندە وقشاۋلانىپ، ءسوندىرىلدى.

امالى قالماعان تۇرعىندار بالالارىن تەرەزەدەن لاقتىردى.

زارداپ شەككەندەردىڭ ىشىندە 2 جۇكتى ايەل بار.

كەيىن الماتى قالالىق دەنساۋلىق ساقتاۋ باسقارماسى ءبىر ادامنىڭ قازا تاپقانىن حابارلادى.

ورتتەن زارداپ شەككەن تۇرعىندار تاماق جانە جاتىن ورىنمەن قامتاماسىز ەتىلدى.

سوڭعى جاڭالىقتار