قاتتى ىستىق جانە جاڭبىر: الداعى كۇندەرگە اۋا رايى بولجامى

استانا. قازاقپارات - سينوپتيكتەر الداعى ءۇش كۇنگە، 5-7-تامىزعا ارنالعان اۋا رايى بولجامىن ۇسىندى.

رەسپۋبليكانىڭ سولتۇستىگىندە، ورتالىعىندا، شىعىسىندا جانە وڭتۇستىك-شىعىسىندا نوسەر جاڭبىر جاۋادى.

«قازگيدرومەت» مالىمەتىنشە، الداعى كۇندەرى قازاقستان اۋماعىندا اتموسفەرالىق فرونتال بولىكتەر اسەرىنەن جاڭبىر جاۋىپ، نايزاعاي وينايدى، اۋا رايىنىڭ تۇراقسىز سيپاتى ساقتالادى. رەسپۋبليكانىڭ سولتۇستىگىندە، ورتالىعىندا، شىعىسىندا، وڭتۇستىك-شىعىسىندا قاتتى جاڭبىر جاۋىپ، ەكپىندى جەل، بۇرشاق، بۇرقاسىن كۇتىلەدى.

«رەسپۋبليكانىڭ باتىس ايماقتارىندا باسىم كۇشەيگەن قىسىم جاعدايىندا بولادى، بۇل رەتتە اۋا رايى نەگىزىنەن جاۋىن-شاشىنسىز بولادى. قازاقستاننىڭ باسىم بولىگىندە اۋا تەمپەراتۋراسىنىڭ بىرتىندەپ تومەندەۋى كۇتىلەدى. الايدا 5-6- تامىزدا قازاقستاننىڭ وڭتۇستىك-شىعىسىندا كۇندىز 40-42 گرادۋسقا دەيىن وتە قاتتى ىستىق كۇتىلەدى»، - دەلىنگەن حابارلامادا.