وقۋشىلارعا بەرىلەتىن ماتەريالدىق كومەكتىڭ ەڭ تومەنگى مولشەرى بەلگىلەندى

استانا. قازاقپارات - بيىل ءار بالاعا مەكتەپ فورماسى مەن وقۋ قۇرالدارىن ساتىپ الۋعا بولىنەتىن ماتەريالدىق كومەك سوماسىنىڭ ەڭ تومەنگى مولشەرى - 40567 تەڭگە بولىپ بەلگىلەندى.
None

بۇل تۋرالى وقۋ-اعارتۋ ۆيتسە-ءمينيسترى ەدىل وسپان ءمالىم ەتتى، دەپ حابارلايدى قازاقپارات ءتىلشىسى.

«وتكەن جىلى ءبىزدىڭ مينيسترلىك كوپ بالالى جانە از قامتىلعان اتا-انالاردىڭ تالاپتارىن ەسكەرە وتىرىپ، مەكتەپ قاجەتتىلىگىنە قاراجات اۋدارۋ تۋرالى ۇكىمەت قاۋلىسىنا وزگەرىس ەنگىزىلدى. وعان سايكەس ءار بالاعا مەكتەپ فورماسى مەن وقۋ قۇرالدارىن ساتىپ الۋعا بولىنەتىن قاراجاتتىڭ ەڭ تومەنگى مولشەرى - 40567 تەڭگە بولىپ بەلگىلەندى. ەستەرىڭىزگە سالا كەتەيىك، بۇعان دەيىن بولىنەتىن سوما 17 مىڭنان باستالعان ەدى» - دەدى ەدىل وسپان ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، اتا-انالارعا بالاسىنا مەكتەپ فورماسى مەن وقۋ قۇرالدارىن الۋ كەزىندە تاڭداۋ بەرىلەدى.

«ەنگىزىلگەن وزگەرىستەر اتا-انالار مەن بالالارعا بىرگە مەكتەپ فورماسىن، اياق كيىمدى، كەڭسە تاۋارلارىن، ءارى جەتكىزۋشىلەردى ءوز بەتىنشە تاڭداۋعا مۇمكىندىك بەرەدى. سونىمەن قاتار، اتالعان جاڭاشىلدىق بالالارعا بۇرىڭعىداي ساپاسىز تاۋارلاردىڭ بەرىلۋىنە جول بەرمەيدى»، - دەيدى ءمينيستردىڭ ورىنباسارى.


سوڭعى جاڭالىقتار