14:59, 04 - تامىز 2023 | GMT +5
ىلە الاتاۋىنان ءوز بەتىنشە تۇسە الماي قالعان شەتەلدىك تۋريستەر قۇتقارىلدى
استانا. قازاقپارات - ىلە الاتاۋىنان ءوز بەتىنشە تۇسە الماي قالعان شەتەلدىك تۋريستەر قۇتقارىلدى، دەپ حابارلايدى قازاقپارات ت ج م باسپا ءسوز قىزمەتىنە سىلتەمە جاساپ.

«كەشە 112 پۋلتىنە ىلە الاتاۋى تاۋلارىندا شەتەلدىك ەرلى-زايىپتىلار باشۋت شىڭىنان وزدىگىنەن تۇسە المايتىنى تۋرالى اقپارات كەلىپ ءتۇستى.
زارداپ شەككەندەردى ىزدەۋگە ت ج م رەسپۋبليكالىق جەدەل-قۇتقارۋ جاساعىنىڭ توبى مەن قالاداعى قۇتقارۋ قىزمەتىنىڭ قۇتقارۋشىلارى شىقتى.
پولشانىڭ ەكى ازاماتى، 1987-جىلى تۋعان ايەل ادام مەن 1983-جىلى تۋعان ەر ادام قۇتقارىلدى. تۋريستەردى مەدەۋگە دەيىن جەتكىزدى» دەلىنگەن حابارلامادا.
شەتەلدىك ازاماتتار قۇتقارۋشىلارعا العىس ءبىلدىردى.