اباي وبلىسىنداعى ورمان ءورتى: زارداپ شەككەن وتباسى بالالارىنا قارجىلاي كومەك ءبولىندى

«جاڭا وقۋ جىلى قارساڭىندا توتەنشە جاعدايلار سالدارىنان زارداپ شەككەن وتباسىلاردىڭ مەكتەپ جاسىنداعى بالالارىنا قارجىلاي كومەك كورسەتىلەدى. اتاپ ايتقاندا، بۇگىندە اباي وبلىسىندا ورمان ورتىنەن قازا تاپقانداردىڭ بالالارىنا 500 مىڭ تەڭگە كولەمىندە ماتەريالدىق جاردەم كورسەتىلدى»، - دەدى وقۋ- اعارتۋ ۆيتسە- ءمينيسترى ەدىل وسپان ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي- اق، ۆيتسە- مينيستر قورعا تۇسكەن قارجىنىڭ ءتيىمدى جۇمسالۋ بارىسى قاتاڭ باقىلاۋعا الىناتىنى تۋرالى ايتتى.
«قازىرگى تاڭدا ءبىزدىڭ مينيسترلىك جالپىعا بىردەي ءبىلىم بەرۋ قورىنىڭ قاراجاتىن بولۋدەگى اشىقتىقتى قامتاماسىز ەتۋ جانە قاراجاتتىڭ بىركەلكى جۇمسالماۋ ماسەلەسىن شەشۋدە. ءبىز بولىنگەن قاراجاتتىڭ جۇمسالۋىنا باقىلاۋ بويىنشا ارەكەتتەر جاساۋدامىز»، - دەيدى ول.
بۇعان دەيىن «مەكتەپكە جول» رەسپۋبليكالىق اكسيا اياسىندا 450 مىڭ مۇقتاج وتباسى بالالارىنا كومەك كورسەتىلگەنى تۋرالى حابارلاعان ەدىك.