12:27, 04 - تامىز 2023 | GMT +5
سوت د. ترامپقا رەسمي ايىپ تاقتى
استانا. قازاقپارات - ۆاشينگتون سوتى دونالد ترامپقا 2020 -جىلعى پرەزيدەنت سايلاۋىنىڭ ناتيجەسىن بۇرمالاۋ ماقساتىندا قاستاندىق جاسادى دەگەن رەسمي ايىپ تاقتى.
ءبىراق ا ق ش- تىڭ بۇرىنعى باسشىسى ءوزىن كىناسىزبىن دەپ ەسەپتەيتىنىن مالىمدەدى. كەزەكتى وتىرىس 28-تامىزعا بەلگىلەنگەن. ول كۇنى سوت ۇدەرىسىن باستاۋدىڭ رەسمي مەرزىمى ايقىندالماق. نەگىزى ترامپ كەلەسى جىلى وتەتىن پرەزيدەنت سايلاۋىنا قاتىسۋعا نيەتتى. رەسپۋبليكالىق پارتياداعى جاقتاستارى ونى ءبىراۋىزدان قولداپ وتىر.
دونالد ترامپ، ا ق ش- تىڭ بۇرىنعى پرەزيدەنتى:
- بۇگىن - امەريكا ءۇشىن وتە قايعىلى كۇن. بولىپ جاتقان وقيعالارعا باعامداپ قاراساق، مەن ساياسي قارسىلاسىمنىڭ تاراپىنان قۋعىندالىپ جاتىرمىن. مەن رەسپۋبليكالىق پارتيانىڭ پرايمەريزىندە وتە جوعارى كورسەتكىشكە يەمىن جانە بايدەننەن وق بويى وزىپ تۇرمىن.
www.24.kz
