فلاي ارىستان اۋە رەيستەرىنە اقىلى تىركەۋدى ۋاقىتشا توقتاتتى

«اقىلى تىركەلۋ قىزمەتىن الەمنىڭ لوۋكوست تاسىمالداۋشىلارى اۋەجايدا تىركەۋ پروتسەستەرىن وڭتايلاندىرۋ ءۇشىن پايدالانادى. اۋەجايدا اقىلى تىركەلۋ قىزمەتىن پايدالانۋشىعا ۇسىنۋ - جولاۋشىلارعا تەگىن ونلاين تىركەلۋ قىزمەتىنە اۋىسۋعا ىنتالاندىرادى. FlyArystan-نىڭ ونلاين قىزمەتىن پايدالانۋ تىركەۋ باعانالارىندا كەزەك كۇتەتىن جولاۋشىلار سانىن ازايتادى جانە اۋەجايداعى رەيس الدىنداعى پروتسەدۋرالاردىڭ جىلدامدىعىن جەدەلدەتەدى. FlyArystan بۇل جاڭاشىلدىقتا بيىل 1- قاڭتاردان باستاپ ىشكى نارىققا شىعاردى جانە بۇل ۇلكەن جەتىستىك. ونىڭ ناتيجەسىندە جولاۋشىلاردىڭ % 80 دان استامى قازىر ونلاين تەگىن تىركەلەدى. بۇل 1,3 ميلليوننان استام جولاۋشى اۋەجايلارداعى كەپتەلىس پەن كەزەكتە تۇرماۋىنا مۇمكىندىك بەرەدى»، - دەلىنگەن حابارلامادا.
كومپانيانىڭ اقپاراتىندا ايتىلعانداي، حالىقارالىق اۋە رەيستەرىنە اقىلى تىركەلۋ قىزمەتى تيىمدىلىگىن كورسەتتى.
«وكىنىشكە قاراي، اتالعان قىزمەتتى ىسكە قوسۋ بارىسىندا FlyArystan كۇتپەگەن كەدەرگىلەرگە تاپ بولدى. تۋىنداعان ماسەلەلەردى شەشكەنشە، قىزمەتتى ۋاقىتشا توقتاتۋ تۋرالى شەشىم قابىلداندى. اۋەجايدا اقىلى تىركەلۋ قىزمەتىن ساتىپ العان بارلىق جولاۋشىلارعا تولىق قايتارىم جاسالىنادى. FlyArystan وسى قىزمەتتى بولاشاقتا جۇزەگە اسىرا الاتىنىنا جانە قازاقستاننىڭ اۆياتسيا سالاسىن دامىتۋعا باعىتتالعان تسيفرلاندىرۋ ستراتەگياسىنا تولىقتاي سەنىمدى. بيىل 3- شىلدەدە حالىقارالىق رەيستەرگە اۋەجايدا اقىلى تىركەلۋ باستالعاننان كەيىن، تەگىن ونلاين تىركەلۋ قىزمەتىنە اۋىسۋدىڭ ناتيجەلەرى ايتارلىقتاي. جولاۋشىلاردىڭ %60 دان استامى حالىقارالىق رەيستەرگە FlyArystan قوسىمشاسى ارقىلى تەگىن ونلاين تىركەلىپ قويعان. بۇل حالىقارالىق ساياحاتتىڭ ەڭ ءتيىمدى ءادىسى جانە دە جولاۋشىلارىمىزعا وسى قاربالاس كەزەڭدە اۋەجايلاردا كوپ ۋاقىتتى تالاپ ەتەتىن كەزەكتەر مەن كەپتەلىستەردى بولدىرماۋعا مۇمكىندىك بەرەدى»، - دەيدى اۋە كومپانياسىنان.
ەسكە سالا كەتسەك، 3- تامىزدان باستاپ FlyArystan رەيستەرىنە اۋەجايدا تىركەلۋ اقىلى بولعان ەدى.