الماتىدا جاياۋ جۇرگىنشىلەردىڭ كەسىرىنەن بولاتىن جول اپاتتارى كوبەيگەن
الماتىدا جىل باسىنان بەرى جول ەرەجەسىن بۇزعان 13 مىڭنان استام جاياۋ جۇرگىنشى اكىمشىلىك جاۋاپقا تارتىلدى. سونىمەن بىرگە، وسى جىلدىڭ 7 ايىندا قالا جولدارىندا جاياۋ جۇرگىنشىلەردىڭ قاتىسۋىمەن 961 جول اپاتى بولعان، سونىڭ سالدارىنان 663 ادام زارداپ شەگىپ، 32 ادام قازا تاپتى. بۇل مالىمەتتى الماتى قالالىق پوليتسيا دەپارتامەنتىنىڭ باسپا ءسوز قىزمەتى جاريا ەتتى.
«بۇل ستاتيستيكا الاڭداۋشىلىق تۋدىرادى. جول-كولىك وقيعالارى مەن ءولىم-ءجىتىمدى ازايتۋ ءۇشىن ءاربىر جول قوزعالىسىنا قاتىسۋشى ءوزىنىڭ جانە وزگەنىڭ قاۋىپسىزدىگى ءۇشىن جاۋاپكەرشىلىكتى سەزىنۋى، جول قوزعالىسى ەرەجەلەرىن قاتاڭ ساقتاۋى جانە جولدا مادەنيەتتى بولۋ كەرەك. قالادا جاياۋ جۇرگىنشىلەر وتكەلىنەن ءوتۋ ەرەجەلەرىن بۇزۋدى، جاياۋ جۇرگىنشىلەر جول قوزعالىسى ەرەجەلەرىن بۇزۋدى انىقتاۋعا، جولىن كەسۋگە، سونداي-اق باسقا دا ورەسكەل بۇزۋشىلىقتاردى انىقتاۋعا باعىتتالعان «جاياۋ جۇرگىنشى» جەدەل- پروفيلاكتيكالىق ءىس-شاراسى تۇراقتى نەگىزدە جۇرگىزىلىپ كەلەدى. ءبىزدىڭ باستى مىندەتىمىز - جازالاۋ ەمەس، قايعىلى وقيعالاردىڭ الدىن الۋ»، - دەدى جەرگىلىكتى پوليتسيا قىزمەتى باسقارماسىنىڭ پاترۋلدىك پوليتسيا پولكىنىڭ كومانديرى ورال احيموۆ.
