11:06, 04 - تامىز 2023 | GMT +5
ەركەبۇلان يمانعالي م م ا بويىنشا جاسوسپىرىمدەر اراسىندا الەم چەمپيونى اتاندى
استانا. قازاقپراات - بىرىككەن اراب امىرلىكتەرىنىڭ استاناسى ءابۋ-دابيدە 12-17 جاس ارالىعىنداعى جاسوسپىرىمدەر اراسىندا م م ا-دان الەم چەمپيوناتى ءوتىپ جاتىر، دەپ حابارلايدى قازاقپارات.
جارىسقا 46 ەلدەن 653 سپورتشى قاتىسىپ جاتىر.
قازاقستان نامىسىن 14-15 جانە 16-17 جاس ارالىعىنداعى جاسوسپىرىمدەر قۇراماسىنىڭ 35 مۇشەسى قورعايدى.
ەكىنشى جارىس كۇنىنىڭ قورىتىندىسى بويىنشا 40 كەلىگە دەيىنگى سالماقتا ماڭعىستاۋ وبلىسىنىڭ وكىلى ەركەبۇلان يمانعالي الەم چەمپيونى اتاندى. ول فينالدا ليۆاندىق سپورتشى ومار انتارمەن كەزدەستى. تورەشىلەر ءبىراۋىزدان جەڭىستى قازاقستاندىق سپورتشىعا بەردى.
تاعى ءبىر جۇلدەگەر - تۇركىستان وبلىسىنىڭ سپورتشىسى ورىنباسار پەردەبەك 44 كەلىگە دەيىنگى سالماق دارەجەسىندە ءۇشىنشى ورىنعا يە بولدى. قازاقستاندىق سپورتشى ۋكراينا مەن بولگاريا وكىلدەرىن جەڭدى. جارتىلاي فينالدىق كەزدەسۋدە الەم چەمپيونى اتانعان پولشا وكىلى كساۆەر موسينگتەن تورەشىلەر شەشىمىمەن جەڭىلىپ قالدى.
