ەرتىس سۋىنىڭ جاسىل رەڭگە بويالۋىنىڭ سەبەبى نەدە

بۇعان دەيىن الەۋمەتتىك جەلىلەردە ەرتىس وزەنىنىڭ ءتۇسى جاسىل رەڭگە بويالعانى جايلى اقپارات تاراعان ەدى، دەپ حابارلايدى قازاقپارات.
ايتا كەتۋ كەرەك، الەۋمەتتىك جەلىلەردەگى ۆيدەو تۇسىرىلگەن جەر - وزەننىڭ ءوزى ەمەس، ەرتىس وزەنىنىڭ تارماعى بولىپ تابىلادى.
بۇل جەردەگى سۋ اعىندى ەمەس. سۋ قويماسىنداعى سۋدىڭ تەمپەراتۋراسى - 28 گرادۋس.
«قازىر قۇرعاق كەزەڭ جانە جاۋىن-شاشىن جوق. سونىمەن قاتار جوعارى تەمپەراتۋرا مەن بۋلانۋدىڭ ەداۋىر مولشەرى وسىنداي تاياز سۋ وبەكتىلەرىنىڭ باتپاقتانۋىنا سەبەپ بولادى. سۋدىڭ «جاسىلدانۋىنىڭ» سەبەبى جوعارىدا اتالعان فاكتورلار دەپ سانايمىز» دەيدى ەكولوگتار.
ەكولوگيا دەپارتامەنتى مەن «قازگيدرومەت» ر م ك فيليالىنىڭ زەرتحانالارى كۋالاندىرۋ ءۇشىن لاستاۋشى زاتتاردى انىقتاۋ ماقساتىندا سۋدى تالداۋدان وتكىزەدى.
جۇرگىزىلگەن زەرتتەۋ ناتيجەسى بويىنشا ءتيىستى شارا قابىلدانادى.