جاپونيالىق دارىگەر كەسىلگەن باستى ۆيدەوعا ءتۇسىرىپ العان

ۆيدەوجازبادا قولعاپ كيگەن الدەكىمنىڭ قولىنىڭ كەسىلگەن باستى ۇستاعانى كورسەتىلگەن.
ۆيدەو شىلدە ايىنىڭ باسىندا ەر ادامنىڭ ءمايىتىن زاقىمدادى دەگەن كۇدىكپەن قاماۋعا الىنعان 59 جاستاعى پسيحياتر-دارىگەر وسامۋ تامۋرا مەن ونىڭ 29 جاستاعى قىزى رۋنانىڭ ۇيىندەگى ۆاننا بولمەسىندە تۇسىرىلگەن.
تامۋرانىڭ ايەلى حيروكو دا قاماۋعا الىندى.
پوليتسيا ۆيدەونى ولاردىڭ ءۇيىن ءتىنتۋ كەزىندە تاپقان.
ەر ادامنىڭ باسى ساپپوروداعى سۋسۋكينو ويىن-ساۋىق اۋدانىنداعى قوناقۇيدە كەسىلگەن دەگەن بولجام جاسالدى.
جابىرلەنۋشى - 62 جاستاعى حيتوشي ۋرا وسى جىلدىڭ 1-شىلدەسىندە كەشكى ساعات 22:50 شاماسىندا قوناقۇيگە كىرگەن.
پوليتسيانىڭ پايىمىنشا، ونى سول كۇنى كەشكىسىن قوناقۇيگە پسيحياتردىڭ قىزى رۋنا تامۋرا ەرتىپ بارعان.
كەلەسى كۇنى تۇنگى ساعات 2 شاماسىندا جابىرلەنۋشى جاتقان قوناق ءۇي بولمەسىنەن ءبىر ادام چەمودانمەن شىعىپ كەتكەن.
بۇعان دەيىن جاپونيادا قوناقۇيدەن باسى جوق ءمايىت تابىلعانىن حابارلاعان بولاتىنبىز.
ارتىنشا ساپپورو قالاسىنداعى قوناقۇيلەردىڭ بىرىندە ەر ادامنىڭ باسىن كەسىپ تاستادى دەگەن كۇدىكپەن جەرگىلىكتى دارىگەر مەن ونىڭ قىزى، ايەلى قاماۋعا الىندى.
كەيىن دارىگەردىڭ ۇيىنەن ەر ادامنىڭ باسى تابىلدى.