قىتايعا تاعى ءبىر تابيعي اپات جاقىنداي ءتۇستى
سونداي-اق، جىجياڭ پروۆينسياسىنا (شىعىس قىتاي) بيىلدىققا التىنشى تايفۋننىڭ سالدارىن جويۋعا كومەكتەسۋ ءۇشىن جۇمىس توبىن جىبەردى، دەپ حابارلايدى قازاقپارات «شينحۋا» اقپارات اگەنتتىگىنە سىلتەمە جاساپ.
ق ح ر شتاب كەڭسەسى مەن توتەنشە جاعدايلاردى باسقارۋ مينيسترلىگى وتكىزگەن بىرلەسكەن كەڭەستە سۋ تاسقىنى مەن تايفۋنعا قاتىستى جاعداي كۇردەلى بولىپ تۇرعانى ايتىلدى. حۋاڭحى وزەنىنىڭ باسسەينىندەگى سۋ تاسقىنى ورتا جانە تومەنگى اعىسقا قاراي تارالىپ، سۋ جولدارى مەن بوگەتتەرگە ايتارلىقتاي قىسىم تۇسكەنى دە اتالىپ ءوتتى.
ساقتاندىرۋ شارالارىن قابىلداۋ ەلدىڭ سولتۇستىك- شىعىسىنداعى جيلين جانە حيلۋڭجياڭ پروۆينسيالارىندا جاۋىن-شاشىنمەن، سونداي-اق «حانۋن» تايفۋنىنىڭ كۇردەلى جانە بەلگىسىز باعىتىمەن كۇردەلەنە ءتۇسۋى مۇمكىن دەپ بولجانادى.
وسىنداي قولايسىز جاعدايدى ەسكەرە وتىرىپ، شتاب پەن مينيسترلىك ەلدىڭ سولتۇستىك- شىعىس اۋداندارىندا قارقىندى جاۋىن- شاشىنعا دايار بولۋعا، «حانۋن» تايفۋنىنىڭ قوزعالىسىن مۇقيات باقىلاۋعا جانە دايىندىق جۇمىستارىن جۇرگىزۋگە بارلىق كۇشتى جۇمساۋعا شاقىردى.
جىجياڭ پروۆينتسياسى «دوكسۋري» تايفۋنىنان كەيىنگى «حانۋن» تايفۋنىنىڭ جاقىنداۋىنا بايلانىستى توتەنشە جاعدايعا جاۋاپ بەرۋ دەڭگەيىن 4-تەن 3-كە دەيىن كوتەردى. جەرگىلىكتى مەتەوقىزمەت الداعى كۇندەرى نوسەر قۇيىپ، تەڭىز تولقىندارى 8-10 مەترگە دەيىن كوتەرىلۋى مۇمكىن دەپ بولجادى.
