اپتاپ ىستىققا بايلانىستى قوسىمشا دەمالىس كۇندەرى جاريالاندى

«ازاماتتاردىڭ دەنساۋلىعىن ساقتاۋ ماقساتىندا مينيسترلەر كابينەتى دەنساۋلىق ساقتاۋ مينيسترلىگىنىڭ 2- جانە 3- تامىز كۇندەرىن بۇكىل ەل بويىنشا دەمالىس كۇندەرى دەپ جاريالاۋ تۋرالى ۇسىنىسىن ماقۇلدادى»، - دەدى يران ۇكىمەتىنىڭ وكىلى ءالي باحادوري دجاحرومي.
دەمالىس كۇندەرى تۋرالى حابارلاندىرۋ يراننىڭ دەنساۋلىق ساقتاۋ ءمينيسترى باحرام ەينوللاحي قازىرگى جىلۋ تولقىنىنىڭ ادامداردىڭ كۇندەلىكتى ومىرىنە اسەرى تۋرالى ەسكەرتكەننەن كەيىن جاسالدى.
يران دەنساۋلىق ساقتاۋ ءمينيسترىنىڭ ورىنباسارى سايد كاريمي ەلدىڭ تۇكپىر-تۇكپىرىندەگى بارلىق مەديتسينالىق ورتالىقتار اپتاپ ىستىقتان زارداپ شەككەندەرگە كومەك كورسەتۋگە دايىن ەكەنىن ايتتى.
يراننىڭ وڭتۇستىگىندەگى كوپتەگەن قالالار تەمپەراتۋرانىڭ جوعارىلاۋىنان زارداپ شەكتى.
مەملەكەتتىك باق وسى اپتادا احۆاز قالاسىندا اۋا تەمپەراتۋراسى 51 گرادۋستان اسقانىن حابارلادى.
«ءتورت جاسقا دەيىنگى بالالار، 65 جاستان اسقان ادامدار جانە قانت ديابەتى، قان قىسىمى، جۇرەك اۋرۋىمەن اۋىراتىنداردىڭ ىستىق اۋا رايىنىڭ اسەرىنە توتەپ بەرۋى قيىن»، - دەدى كاريمي.
سوڭعى اپتالاردا اپتاپ ىستىق تولقىنى جەر شارىنىڭ كوپ بولىگىنە اسەر ەتتى. عالىمدار تەمپەراتۋرانىڭ كوتەرىلۋىن كليماتتىڭ انتروپوگەندىك وزگەرۋىمەن بايلانىستىرادى.
Climate Central-دىڭ سارسەنبى كۇنى جاريالاعان ەسەبىنە سايكەس، شىلدەدە 6,5 ميللياردتان استام ادام نەمەسە جەر شارى حالقىنىڭ %81 كليماتتىڭ وزگەرۋىنە بايلانىستى ىستىق تولقىندارعا ۇشىراعان.