سارايشىقتا وتەتىن ۇلتتىق قۇرىلتايدا قاسىم حان ەسكەرتكىشى اشىلادى

اتىراۋ. قازاقپارات - اتىراۋ وبلىسىنداعى سارايشىقتا وتەتىن كەلەسى ۇلتتىق قۇرىلتايدا قاسىم حان ەسكەرتكىشى اشىلادى، دەپ حابارلايدى قازاقپارات ءتىلشىسى.
None

اتىراۋ وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى ءابىل جولامانوۆتىڭ ايتۋىنشا، 2024-جىلى ۇلتىمىزدىڭ ۇلى تۇلعاسى قاسىم حاننىڭ ەسكەرتكىشىن اشۋ جوسپارلانىپ وتىر.

«اتىراۋ - تاريحي ورىندارعا، ەسكەرتكىشتەرگە باي ءوڭىر. قازىر وبلىستا 317 تاريحي ەسكەرتكىش بار. ونىڭ 313^ ءى جەرگىلىكتى، 4 ەۋى رەسپۋبليكالىق دەڭگەيدە قورعالاتىن ەسكەرتكىش. رەسپۋبليكالىق ماڭىزى بار ەسكەرتكىشكە اتىراۋ قالاسىنداعى مۇنايشىلار قالاشىعى، جىلىوي اۋدانىنداعى جۇبان كۇمبەزى، يندەر اۋدانىنداعى ماحامبات وتەمىس ۇلى كەسەنەسى مەن ماحامبەت اۋدانىنداعى سارايشىق قالاشىعى جاتادى. تاريحي-مادەني مۇرا نىساندارىنىڭ ەسەپكە الۋ تىزىمىندە 1128 ەسكەرتكىش تىركەلگەن. الدىن الا ەسەپكە الۋ كەزىندە 48 ەسكەرتكىشكە تاريحي-مادەني ساراپتاما جۇرگىزىلدى. ساراپتامانىڭ وڭ قورىتىندىسى الىنعان سوڭ 26 نىسان وبلىس اكىمدىگىنىڭ قاۋلىسىمەن اتىراۋ وبلىسىنىڭ تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەنگىزىلەدى. قازىر جەرگىلىكتى ماڭىزداعى 92، رەسپۋبليكالىق ماڭىزى بار 1، جالپى 93 تاريحي-مادەني ەسكەرتكىشتى قورعاۋ ايماعى انىقتالىپ، بەكىتىلدى»، - دەپ حابارلادى ءابىل جولامانوۆ.

ونىڭ ايتۋىنشا، قاسىم حان ەسكەرتكىشىنىڭ ۇزدىك جوباسىن انىقتاۋ ءۇشىن اشىق كونكۋرس جاريالانعان.

«كەلەسى جىلى سارايشىق اۋىلىندا قاسىم حاننىڭ ەسكەرتكىشىن ورناتۋ كوزدەلىپ وتىر. وسىعان بايلانىستى كونكۋرسقا تۇسكەن جوبالار الدىمەن اتىراۋ وبلىستىق تاريح جانە مادەنيەت ەسكەرتكىشتەرىن قورعاۋ جونىندەگى كوميسسيادا قارالادى. ۇزدىك جوبالار رەسپۋبليكالىق مونۋمەنتتى ونەردىڭ جاڭا قۇرىلىستارىن ورناتۋ جونىندەگى كوميسسياعا ۇسىنىلادى»، - دەپ ءمالىم ەتتى ءابىل جولامانوۆ.

الايدا، اتالعان ەسكەرتكىشتى جاساۋعا، ورناتۋعا بولىنەتىن قارجى كولەمى ءالى ناقتىلانباعان. قاسىم حان ەسكەرتكىشىن كەلەسى جىلى سارايشىقتا وتەتىن ۇلتتىق قۇرىلتايعا دەيىن اياقتاۋ كوزدەلىپ وتىر.

ەسكە سالا كەتەلىك، بۇدان بۇرىن اتىراۋداعى «سارايشىق» مۋزەي- قورىعىندا قوناق ءۇيى بار ۆيزيت-ورتالىق سالىنىپ جاتقانىن جازعان ەدىك.


سوڭعى جاڭالىقتار