قاراعاندى وبلىسىندا كيبەرپول ارقىلى الاياقتارعا الدانعانداردىڭ اقشاسى قايتارىلدى

ينتەرنەت ارقىلى جاسالاتىن قىلمىستى تەرگەۋ قيىن. دەگەنمەن، 26-شىلدەدە بالقاش قالالىق پوليتسيا ءبولىمىنىڭ «كيبەرپول» قىزمەتكەرلەرى جۇرگىزگەن كەشەندى جەدەل- ىزدەستىرۋ ءىس- شارالارى بارىسىندا 25 جاستاعى الماتى قالاسىنىڭ تۇرعىنى ۇستالدى.
ول ءوزىن ونلاين جانە وفلاين تۇردە گازون ساتاتىن دۇكەننىڭ مەنەدجەرىمىن دەپ تانىستىرعان. وسىلايشا، WhatsApp جەلىسى ارقىلى بالقاش قالاسىنىڭ تۇرعىنىن «گازون اكەلىپ بەرەمىن» دەپ الداپ، ءبىر ميلليون تەڭگەدەن استام اقشاسىن يەلەنگەن. سودان بايلانىسىن ءۇزىپ، حابارسىز كەتكەن. كۇدىكتى جابىرلەنۋشىدەن العان اقشانى قايتاردى.
وسىعان ۇقساس تاعى ءبىر جايت قاراعاندى تۇرعىنىنىڭ دا باسىنان ءوتتى. «كيبەرپول» قىزمەتكەرلەرىنە 28 جاستاعى ازامات شاعىمداندى. جاس وتباسى كولىك ساتىپ الۋ ءۇشىن الەۋمەتتىك جەلىدەن حابارلامالاردى قاراعان.
«قازاقستاندىق مەملەكەتتىك تىركەۋ ءنومىرى بار كولىك كورشىلەس ەلدە تۇر دەدى. سوندىقتان دا ونىڭ باعاسى ارزانداۋ بولدى. ءتۇن بولسا دا حابارلاستىق. كۇدىكتى ءبىزدىڭ قوڭىراۋىمىزعا جاۋاپ بەردى. وسىدان كەيىن ءبىز الدىن الا 300 مىڭ تەڭگە اقشا جىبەرۋگە كەلىستىك. سول كەزدە «كولىك ساتۋشى» بىزدەن سول ۋاقىتتا 60 مىڭ تەڭگە اقشا سالۋدى ءوتىنىپ، قالعان اقشانى تاڭەرتەڭ سالۋعا بولاتىنىن ايتتى. سونىمەن، تاڭەرتەڭ قالعان اقشانى سالاتىن كەزدە بانك ءبىزدىڭ ەسەپ- شوتىمىزدى بۇعاتتاپ تاستادى. ونىڭ الدىندا ماعان بانك مەنەدجەرى حابارلاسىپ، ءبىزدىڭ كۇدىكتى ەسەپ- شوتقا اقشا سالىپ جاتقانىمىزدى ەسكەرتتى. مەنەدجەردىڭ حابارلاماسىنان كەيىن مەندە كۇدىك پايدا بولدى. «ساتۋشىمەن» سويلەسىپ، بانك مەنىڭ ەسەپ- شوتىمدى بۇعاتتاپ تاستاعانىن ايتقانىمدا، ول ءوزىن دورەكى ۇستاپ، ماعان قالعان اقشانى Qiwi كوشەلەككە سالۋىمدى تالاپ ەتتى. مەن وعان قانشالىقتى جاعدايىمدى تۇسىندىرگەنىمە قاراماستان، ول مەنى تىڭدامادى. كەيىن پوليتسياعا حابارلاستىم. پوليتسيا قىزمەتكەرلەرىنە ريزاشىلىعىمدى بىلدىرەمىن. ولار ماعان الاياقتاردىڭ ارەكەتتەرى تۋرالى ماعلۇمات بەردى. الاياققا سالىپ جىبەرگەن اقشام قايتارىلدى. بارلىق تۇرعىنداردى الاياقتاردىڭ ارباۋىنان ساق بولۋعا شاقىرامىن»، - دەيدى كسەنيا تەسليا.