قاراعاندىدا جاپپاي اۋرۋحاناعا تۇسكەن بالالار تاماقتان ۋلانباعان بولىپ شىقتى

قاراعاندى. قازاقپارات - ارناۋلى الەۋمەتتىك قىزمەت كورسەتۋ ورتالىعىنان ۋلانۋ دياگنوزىمەن تۇسكەن بالالاردان الىنعان سىنامانىڭ تالداۋ ناتيجەسى ءمالىم بولدى، دەپ حابارلايدى قازاقپارات ءتىلشىسى.
None
Фото: Управление здравоохранения Карагандинской области

«تالداۋ ناتيجەسى بويىنشا بارلىق كەلىپ تۇسكەن پاتسيەنتتەردە تاماقتان ۋلانۋ راستالمادى. ماتەريالدار ۋلانۋدىڭ ناقتى سەبەپتەرىن انىقتاۋ ءۇشىن اۋقىمدى زەرتتەۋگە باعىتتالعان»، - دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسى.

سونداي-اق، ولاردىڭ ايتۋىنشا، 3- تامىزدا جالپى جاعدايىنىڭ جاقسارۋىنا بايلانىستى نەيروبوكسيرلەنگەن بولىمشەگە تۇسكەن تاعى ەكى بالا شىعارىلدى.

«قازىرگى ۋاقىتتا 9 بالانى ستاتسيونارلىق ەمدەۋ جالعاسىپ جاتىر (رەانيماتسيادا – 6، نەيروبوكسيرلەنگەن بولىمشەدە - 3). ديناميكادا بارلىق پاتسيەنتتەردىڭ جاعدايى تۇراقتى، ناشارلاپ جاتقان جوق»، - دەپ تولىقتىردى ۆەدومستۆودان.

ەستەرىڭىزگە سالا كەتەيىك، 30- شىلدەدە قاراعاندى وبلىسىنىڭ بالالارعا ارناۋلى الەۋمەتتىك قىزمەت كورسەتۋ ورتالىعىندا بىرنەشە بالا ۋلانىپ، ونىڭ بىرەۋى قايتىس بولدى، التاۋى جانساقتاۋ بولىمىندە جاتىر.

باس پروكۋراتۋرا ۋاكىلەتتى مەملەكەتتىك ورگاندار مەن اۋماقتىق پروكۋرورلارعا ەلدە وسىنداي مەكەمەلەرگە كەشەندى تەكسەرۋلەر ۇيىمداستىرۋدى تاپسىردى.

ق ر دەنساۋلىق ساقتاۋ ءمينيسترى اجار عينيات حابارلاعانداي، ىشەك ينفەكسياسىنا جۇرگىزىلگەن سىناق تەرىس ناتيجە بەردى.

بالالاردىڭ ناقتى نەدەن ۋلانعانى بەلگىسىز.

سوڭعى جاڭالىقتار