اسكەرگە بارىپ قازاق ءتىلىن ۇيرەنىپ كەلگەن ورىس جىگىت جۇرتتى ءسۇيسىنتتى

الماتى. قازاقپارات - جەلىدە قازاق تىلىندە سويلەگەن ورىس جىگىتتىڭ ۆيدەوسى جۇرتتى ءسۇيسىنتتى.
None

ۆيدەونى Tik-Tok-قولدانۋشىسى جاريالادى.

«بۇل - اسكەردەن قازاق تىلىندە وتە جاقسى سويلەپ كەلگەن اعام»، - دەپ جازدى ۆيدەو اۆتورى انيا يۆانوۆا.

كادرلاردان جىگىت تەلەفونمەن سويلەسىپ وتىرعانىن كورۋگە بولادى. ول ەش قينالماي قازاق تىلىندە اڭگىمە قۇرىپ وتىرعانى بايقالادى.

كوپشىلىك بۇعان ءسۇيسىنىپ، جىگىتتىڭ ماقتاۋىن اسىرعان. ءتىپتى كەي قولدانۋشىلار جىگىتتىڭ اكسەنتسىز سويلەپ وتىرعانىنا تاڭعالعان.

«قازاق رەتىندە ايتايىن، ول اكسەنتسىز سويلەپ وتىر»، «ماعان دا ارمياعا بارۋ كەرەك شىعار»، «ول مەنەن الدەقايدا جاقسى سويلەيدى، بار كۇشىمدى سالىپ ءتىلدى ۇيرەنۋگە تىرىسىپ جاتىرمىن»، «ول ءتىپتى قازاقشا ويلايدى»، «جارايسىڭ»، «ءتىلدى بىلەتىن ورتادا سويلەسۋ - ۇزدىك ۇستاز»،

«ەكى جىل بولدى ۇيرەنىپ ءجۇرمىن، كۋرستارعا بارامىن، سوندا دا ەكى ءسوزدىڭ باسىن قوسا المايمىن. ەندى اسكەرگە بارعىم كەلەدى»، «سونداي ۇيالىپ تۇرمىن، جىگىت مەنەن جاقسى سويلەيدى. مەن بۇلاي تازا سويلەي المايمىن»، - دەيدى جەلى قولدانۋشىلارى.

ۆيدەو كەيىپكەرى - روديون يۆانوۆ. ول 2000 -جىلى تۋعان. قارىنداسى انيا يۆانوۆانىڭ ايتۋىنشا، وتباسىندا ءبارى بالا كەزىنەن قازاق ءتىلىن جاقسى بىلەدى.

«ءبىراق اعام بارىمىزدەن جاقسى ءتۇسىنىپ، سويلەسە الاتىن. كەيىن ول اسكەرگە كەتتى. وندا ول بارلىق ۋاقىتتا دەرلىك قازاق تىلىندە سويلەسكەن»، - دەيدى قىز.

روديون اسكەردەن كەلگەننەن كەيىن دە قازاقشا سويلەسۋدى تاستاپ كەتپەگەن.

«زاستاۆاداعى دوستارىنا حابارلاسىپ، قازاقشا سويلەسەدى. نەگىزى ارميادان كەيىن دە ەشتەڭە وزگەرگەن جوق، ول بۇرىنعىداي قازاق تىلىندە جاقسى سويلەيدى»، - دەيدى قارىنداسى.

ماسساگەت

سوڭعى جاڭالىقتار