العاش رەت «ءدىن پسيحولوگياسى» ماماندىعى جوعارى ءبىلىم بەرۋ باعدارلاماسىنا ەنگىزىلدى
«عىلىم جانە جوعارى ءبىلىم مينيسترلىگى جانە جەرگىلىكتى اتقارۋشى ورگاندار وتاندىق وقۋ ورىنداردا ءدىن سالاسىنداعى ماماندىقتار بويىنشا ءبىلىم الۋعا نيەتتى تالاپكەرلەر ءۇشىن ءبىلىم گرانتتارىن بولەتىنىن اتاپ ءوتۋ قاجەت. 2022-2023 وقۋ جىلدارىنا ءبىلىم بەرۋ باعدارلاما توپتارى بولىنىسىندە «ءدىن تانۋ»، «يسلام تانۋ» جانە «تەولوگيا» ماماندىقتارى بويىنشا جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا مەملەكەت تاراپىنان 287 مەملەكەتتىك ءبىلىم گرانتى بولىنگەن»، - دەپ اتاپ وتەدى مينيسترلىك اگەنتتىكتىڭ رەسمي ساۋالىنا بەرگەن جاۋابىندا.
ەلىمىزدە ءدىنتانۋشى-پسيحولوگ، تەولوگ-پسيحولوگ ماماندارىن دايارلاۋ قاجەتتىگىنىڭ تۋىنداۋىنا بايلانىستى مينيسترلىكتىڭ باستاماسىمەن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە «ءدىن پسيحولوگياسى» ماماندىعىن اشۋ جوسپارلانعان.
«وسى رەتتە اتالعان ۋنيۆەرسيتەت 7م022 - گۋمانيتارلىق عىلىمدار باعىتى، م051 - «ءدىن تانۋ جانە تەولوگيا» ءبىلىم بەرۋ باعدارلاما توبىنىڭ ماگيستراتۋرا دەڭگەيى بويىنشا «ءدىن پسيحولوگياسى» ءبىلىم بەرۋ باعدارلاماسىن ازىرلەپ، بيىل ماۋسىم ايىندا جوعارى ءبىلىم بەرۋدى دامىتۋ ۇلتتىق ورتالىعىنىڭ ءبىلىم بەرۋ باعدارلاماسى تىزىلىمىنە ەنگىزدى جانە 2023-2024 وقۋ جىلىنا ستۋدەنتتەردى قابىلداۋدى جوسپارلاپ وتىر. بۇل ءوز كەزەگىندە دەسترۋكتيۆتى ءدىني اعىمداردان زارداپ شەككەن، ەلگە ورالعان ازاماتتاردى راديكالدى كوزقاراستان ارىلتۋ جۇمىستارىنىڭ تيىمدىلىگىن جوعارىلاتادى دەپ كۇتىلۋدە»، - دەدى ۆەدومستۆودان.
