قازاقستاندا قانشا اۋعان ستۋدەنتى وقىپ جاتىر
بۇل تۋرالى ەلوردادا ءوتىپ جاتقان قازاقستان مەن اۋعانستان بيزنەس-فورۋمىندا پرەمەر-ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين ءمالىم ەتتى، دەپ حابارلايدى قازاقپارات ءتىلشىسى.
«قازاقستان اۋعان ستۋدەنتتەرىن وقىتۋ بويىنشا ءبىلىم بەرۋ باعدارلامالارىن ىسكە اسىرۋعا دايىن. بيىل قازاقستان اۋعانستاننان كەلگەن ستۋدەنتتەرگە 30 گرانت بولەدى»، - دەدى س. جۇمانعارين.
ونىڭ ايتۋىنشا، قازاقستاندا 450 دەن استام اۋعان ستۋدەنتى وقىپ جاتىر.
«قازاقستان اۋعان حالقىنا ماتەريالدىق جانە گۋمانيتارلىق قولداۋ كورسەتە وتىرىپ، اۋعانستان ءۇشىن گۋمانيتارلىق كومەكتى قامتاماسىز ەتۋگە ءوز ۇلەسىن قوسا بەرمەك»، - دەدى مينيستر.
بۇدان بۇرىن حابارلانعانداي، اۋعانستاننىڭ ونەركاسىپ جانە ساۋدا ءمينيسترى نۋريددين ازيزي قازاقستاننىڭ گۋمانيتارلىق كومەگىنە العىس ايتتى.
