الەمدە بولىپ جاتقان تەررورلىق ارەكەتتەر

سيريانىڭ داماسك قالاسىندا 27-شىلدە كۇنى جارىلعىش زات بايلانعان موتوسيكل جارىلىپ، 3 ادام قازا بولدى جانە 20 سى جاراقاتتاندى. لاڭكەستىك ارەكەتكە جاۋاپكەرشىلىكتى «يگيل» (قازاقستاندا تىيىم سالىنعان - رەد.) توبى ءوز موينىنا الدى.
ماليدە وسى كۇنى «جاماات نۋسرات ال-يسلام ۆال- مۋسليمين» توبىنىڭ سودىرلارى موپتي وكرۋگىندەگى ق ك گارنيزونىنا شابۋىل جاساپ، 10 اسكەري قىزمەتكەر كوز جۇمدى، تاعى 4 ەۋى جاراقاتتاندى.
پاكىستاننىڭ سولتۇستىك-باتىسىنداعى حايبەر-پاحتۋنحۆا پروۆينتسياسىندا 30-شىلدە كۇنى «جاميات ۋلەما- ي-يسلام-فازل» جۇمىسشىلارىنىڭ بادجاۋردەگى ميتينگى كەزىندە لاڭكەس ءوزىن-ءوزى جارىپ، 46 ادام ءولدى جانە 100 ادام جاراقات الدى.
ايتا كەتسەك، پاكىستاننىڭ سولتۇستىك- باتىسىندا ءبىر جىل ىشىندە 666 تەررورلىق ارەكەت تىركەلگەن. 2022 -جىلعى 18-ماۋسىمىنان بەرى اتىس قارۋىمەن 382، گرانات جارۋمەن 107، قولدان جاسالعان جارىلعىش زاتتارمەن 145 لاڭكەستىك ارەكەت جاسالعان. سونداي-اق، 15 رەت رەاكتيۆتى گراناتا اتقىش قولدانىلسا، 15 لاڭكەس ءوزىن-ءوزى جارعان. 2 جاعدايدا ماشيناعا مينا قويىلعان.
گرۋزيانىڭ ارناۋلى قىزمەتى «تەررورلىق ءىس-قيمىل جانە «يگيل» (قازاقستاندا تىيىم سالىنعان - رەد.) توبىمەن بايلانىسى بار» دەگەن كۇدىكپەن ەلدىڭ 2 ازاماتىن ۇستادى. ولاردان اتالعان ۇيىمنىڭ تاڭبالارى سالىنعان جالاۋلار، ەلەكتروندى قۇرالدار، قارۋ- جاراق، جارىلعىش زاتتار تاركىلەنگەن.
بيىل باتىس افريكادا 1800 دەن استام تەررورلىق ارەكەت تىركەلدى. جوعارى لاۋازىمدى شەنەۋنىك ومار تۋرەيدىڭ ايتۋىنشا، گۋمانيتارلىق قيىندىقتار تۋىندادى، 4 600 دەي ادام باقيلىق بولدى.
ومار تۋرەي ب ۇ ۇ قاۋىپسىزدىك كەڭەسىنە ءمالىم ەتكەنىندەي، باتىس افريكا ەلدەرىنىڭ ەكونوميكالىق قاۋىمداستىعىندا (ەكوۆاس، 15 ەل كىرەدى) جارتى ميلليون ادام بوسقىن سانالادى جانە 6،2 ميلليون جۋىق ادام - ىشكى قونىس اۋدارۋشىلار. ايتۋىنشا، 30 ميلليون ادام ازىق- تۇلىككە مۇقتاج، ەگەر حالىقارالىق تۇرعىدا ىقپال بولماسا، كەلەسى ايدىڭ سوڭىندا ولاردىڭ سانى 42 ميلليون جەتۋى مۇمكىن.
ەكوۆاس كوميسسياسىنىڭ پرەزيدەنتى ومار تۋرەي كەلەسى قاۋىپتەردى اتايدى: تەرروريزم، قارۋلى كوتەرىلىستەر، ۇيىمداسقان قىلمىس، بيلىكتىڭ زاڭسىز اۋىسۋى، زاڭسىز تەڭىز قىزمەتى، ەكولوگيالىق داعدارىستار مەن جالعان جاڭالىقتار.
ماروككودا 27-شىلدە كۇنى وتكىزىلگەن ارنايى وپەراتسيادا لاڭكەستەرمەن بايلانىسى ءۇشىن 50 ادام ۇستالدى. ۇستالعاندار «يگيل» جانە «ال-كايدا» (قازاقستاندا تىيىم سالىنعان - رەد. ) ۇيىمدارى قاتارىنا وتكەن.
يراكتىڭ سولتۇستىگىندەگى سيندجار قالاسىندا وتكەن تۇركيا ۇلتتىق بارلاۋ ۇيىمىنىڭ ارنايى وپەراتسياسى كەزىندە كۇردىستان جۇمىسشى پارتياسى جەتەكشىلەرىنىڭ ءبىرى جويىلدى. مەسۋت دجەلال وسماننىڭ سيريادا جاستاردى تارتىپ، تۇركيا ق ك-نە قارسى كوپتەگەن تەررورلىق ارەكەت ۇيىمداستىرعانى ايتىلادى.
تۇركيانىڭ شىعىسىندا كۇردىستان جۇمىسشى پارتياسىنىڭ لاڭكەستىك ارەكەتتەرگە قاتىسى بار سودىرى گيۋۆەن وزدجان جويىلدى. بۇل تۋرالى تۇركيا ءى ءى م باسشىسى الي يەرليكاي ءمالىم ەتتى. ول رەدۋر سيسەر لاقاپ اتىمەن تانىلعان جانە 10 ءتارتىپ ساقشىسى كوز جۇمعان تۇركيا اۋماعىنداعى 4 لاڭكەستىك ارەكەتتى ۇيىمداستىرۋشى جانە ورىنداۋشى بولدى.
پاكىستان پوليتسياسى تەرروريزمگە قارسى كۇرەس باسقارماسىنىڭ قىزمەتكەرلەرى پەندجاب پروۆينتسياسىنىڭ اۋداندارىندا ءبىرقاتار وپەراتسيا ۇيىمداستىرىپ، 17 لاڭكەستى تۇتقىندادى. تىيىم سالىنعان توپتار، سونىڭ ىشىندە «تەحريك- ي-تاليبان پاكيستان» مەن «يگيل» (قازاقستاندا تىيىم سالىنعان - رەد. ) توبىنىڭ مۇشەلەرى بەيبىت تۇرعىندار مەن شەتەلدىكتەر كوپ جينالاتىن جەردە تەررور جاساماق بولعانى ايتىلادى.
وزبەكستاننىڭ انديجان وبلىسىنىڭ تۇرعىنى سوتتالدى، ول بىرنەشە مارتە سيرياداعى سودىرلار قاتارىنا قوسىلماق بولعان. ەر ادام 8 جىل 1 ايعا باس بوستاندىعىنان ايىرىلدى. ونى تۇركيالىق شەكاراشىلار ۇستاپ، وزبەكستانعا دەپورتاتسيالاعان.