قاتە كوماندانىڭ كەسىرىنەن جەردەن ميلليارد شاقىرىمدا ۇشىپ جۇرگەن زوندپەن بايلانىس ءۇزىلدى

استانا. قازاقپارات - امەريكالىق ناسا عارىش اگەنتتىگى جەردەن ميلليارد شاقىرىم جەردە ۇشىپ بارا جاتقان «ۆويادجەر-2» زوندىمەن بايلانىستى ءۇزىپ الدى.
None

زوندقا بايقاۋسىزدا قاتە كوماندا بەرىلىپ، كەيىنىرەك ماماندار قۇرىلعىنىڭ باقىلاۋ سيگنالىن تاپتى. ولار بايلانىستى قالىپقا كەلتىرۋگە تىرىسىپ جاتىر، دەپ حابارلايدى قازاقپارات BBC گە سىلتەمە جاساپ.

قاتەلىك سالدارىنان جەرگە 2° باعىتتالعان انتەننا وسىنەن اۋىتقىپ كەتىپ، زوند كوماندا قابىلداي الماي قالدى.

ناسا باعدار جۇيەسى قازاندا اۆتوماتتى تۇردە قايتا جوندەلىپ، قالپىنا كەلۋى مۇمكىن دەپ حابارلادى.

بايلانىس 21- شىلدەدە جوعالعان، ال 2- تامىزدا ناساداعى «ۆويادجەر» جوباسىنىڭ جەتەكشىسى جۋرناليستەرگە الىس عارىش جەلىسى، ياعني، جەر مەن ونىڭ وربيتاسىنداعى ۇلكەن راديوانتەننالار جۇيەسى زوندتىڭ باقىلاۋ سيگنالىن ۇستاعانىن ايتتى.

«ءبىز قازىر عارىش اپپاراتىمىز ءتىرى جىنە جۇمىس ىستەپ تۇرعانىن بىلەمىز. وسى نارسە كوڭىل- كۇيىمىزدى كوتەردى»، - دەدى دودد.

ءبىراق ازىرگە «ۆويادجەر» اقپارات بەرىپ، كوماندا قابىلداي المايدى.

دوددتىڭ سوزىنشە، قازىر ماماندار قۇرىلعى قابىلداۋى مۇمكىن، انتەننانى قايتا باعىتتاۋعا ارنالعان كوماندا قۇرىپ جاتىر. ءبىراق مۇمكىندىك از.

«ۆويادجەر-2» جەردەن 19,9 ميلليارد شاقىرىمنان اسا قاشىقتىقتا، ساعاتىنا 55346 شاقىرىم جىلدامدىقپەن ۇشىپ بارا جاتىر.

سوڭعى جاڭالىقتار