ءورت ليفت شاحتاسىنان شىققان جوق - قاۋىمداستىق پرەزيدەنتى الماتىداعى ءورت تۋرالى

«كەشە ب ا ق- تا «اقكەنت» تۇرعىن ءۇي كەشەنىندەگى ءورت ليفت شاحتاسىنداعى كابەلدىڭ قىسقا تۇيىقتالۋىنان شىقتى دەگەن اقپارات تارادى. بۇگىن ءبىز قازاقستان ليفتشىلەرىنىڭ ۇلتتىق قاۋىمداستىعى رەتىندە وقيعا ورنىنا كەلدىك. انىقتالعانداي، ليفت شاحتاسى ءورت وشاعى ەمەس، ليفت جابدىقتارى قالىپتى جۇمىس ىستەپ تۇر»، - دەيدى ەرجان يگىبايەۆ.
ايتۋىنشا، ءورتتىڭ سەبەبى باسقا جەردە جاتىر. بۇل - اسپاپتىق قوراپتا ورنالاسقان نەگىزگى ەلەكتر كابەلىندەگى قىسقا تۇيىقتالۋ.
«سوندىقتان ماسەلە ليفت جابدىقتارىنىڭ وزىندە دەپ ايتۋ قاتە. بۇل - الدىن الا بولجام. ءبىز ازىرگە ەشتەڭە ايتا المايمىز، ويتكەنى بەلگىلى ءبىر ساراپتامالار جۇرگىزىلۋى كەرەك. وسىدان كەيىن ونىڭ ناقتى سەبەبى بەلگىلى بولادى. ءبىراق ليفت شاحتاسى مەن ليفتىلەردىڭ بۇل وقيعاعا ەش قاتىسى جوق دەپ ايتا الامىن»، - دەدى ول.
سپيكەر بۇكىل ۇيلەردە كابينالىق ليفتىلەر وتقا ءتوزىمدى بولۋى كەرەك دەپ ەسەپتەيدى.
ول مامان رەتىندە قۇرىلىس سالۋشىلارعا جاڭا ۇيلەردىڭ قۇرىلىسىندا وتقا ءتوزىمدى ەسىكتەردى پايدالانۋدى ۇسىنادى.
ونىڭ ايتۋىنشا، بۇل نورمالاردى قۇرىلىس كومپانيالارى ساقتاي بەرمەيدى.
ەرجان يگىبايەۆ الماتىداعى تۇرعىن ۇيلەردەگى ليفتىلەردىڭ 70 پايىزى ءورت قاۋىپسىزدىگى شارالارىنا ساي كەلمەيتىنىن ايتتى.
ول كوپ ۇيلەردە وتقا ءتوزىمدى ەمەس، قاراپايىم ەسىك ورناتىلعانىن ايتتى.