ۇشاق قوزعالتقىشتارىن اۋىستىرۋ رەيس كەستەسىنە اسەر ەتپەيدى

استانا. قازاقپارات - Air Astana اۋە كومپانياسى Pratt Whitney قوزعالتقىشتارىن كەرى قايتارىپ الۋ كەرەك دەگەن جايتقا تۇسىنىكتەمە بەردى، دەپ حابارلايدى قازاقپارات ءتىلشىسى.
None

بۇعان دەيىن ب ا ق بەتتەرىندە Airbus A320neo ۇشاقتارىنداعى جۇزدەگەن Pratt Whitney قوزعالتقىشتاردىڭ الىنىپ تاستالاتىنى تۋرالى اقپارات جاريالانعان بولاتىن.

Pratt Whitney ءوندىرۋشى كومپانياسى حابارلاعانداي، Airbus A320neo ۇشاقتارىندا ورناتىلعان 3000 نان استام قوزعالتقىشتىڭ 1200 ءىن ولاردى ءوندىرۋ ءۇشىن قولدانىلاتىن ۇنتاق مەتالدىڭ سيرەك جاعدايىنا بايلانىستى كەلەسى 9-12 اي ىشىندە جەدەل تۇردە بولشەكتەۋ جانە تەكسەرۋ قاجەت.

«Air Astana كومپانيالار توبىنىڭ فلوتىندا PW قوزعالتقىشتارى بار. 27 Airbus اۋە كەمەسى قازىرگى ۋاقىتتا PW شەكتەۋىنە اۋە كومپانيانىڭ تەك 1 قوزعالتقىشى ءتۇسىپ تۇر»، - دەپ حابارلادى Air Astana رەداكتسيانىڭ رەسمي سۇراۋىنا جاۋاپ رەتىندە.

اۋە كومپانيادان ءمالىم ەتىلگەندەي قوزعالتقىشتى اۋىستىرۋ Air Astana كومپانيالار توبى قىزمەت كورسەتەتىن رەيستەردىڭ جالپى كەستەسىنە جانە مارشرۋتتار جەلىسىنە اسەر ەتپەيدى.

«ءبىزدىڭ اۋە كومپانيا كەز كەلگەن جوندەۋ جۇمىسىن وپەراتسيالىق قىزمەتكە جانە جولاۋشىلارعا قىزمەت كورسەتۋگە اسەرىن ازايتۋ ءۇشىن مۇقيات جوسپارلاپ، ۇيلەستىرەدى»، - دەيدى كومپانيادان.

سوڭعى جاڭالىقتار