استىق وداعىنىڭ ءتوراعاسى ەگىس القاپتارىن قىسقارتۋدى ۇسىندى

استانا. قازاقپارات - «قازاقستاننىڭ استىق وداعى» ءتوراعاسى نۇرلان وسپانوۆ ەگىس القاپتارىن قىسقارتۋ قاجەتتىگىن ايتتى، دەپ حابارلايدى قازاقپارات ءتىلشىسى.
None

«ەڭ دۇرىسى - استىق ءوسىرۋدى، ءبيداي وسىرەتىن القاپتاردى قىسقارتۋىمىز قاجەت. ءبىراق، ونىمدىلىكتى ارتتىرۋ، ياعني ءتۇسىمدى مولايتۋ، ءونىمىمىزدىڭ وزىندىك قۇنىن تومەندەتۋ باعىتىندا جۇمىس ىستەۋىمىز كەرەك»، - دەدى ول ب ا ق وكىلدەرىنە ارنالعان دوڭگەلەك ۇستەل وتىرىسى بارىسىندا.

وسى ورايدا وداق ءتوراعاسى ەگىستىك القاپتارىن ءارتاراپتاندىرۋ ءۇشىن ۇكىمەت تاراپىنان دا كومەكتىڭ قاجەت ەكەندىگىن باسا ايتتى.

«بوساعان القاپتاردا ىشكى جانە سىرتقى نارىقتاردا سۇرانىسقا يە باسقا داقىلدار ءۇشىن ءارتاراپتاندىرۋىمىز قاجەت. دەگەنمەن، استىق وسىرۋشىلەر ءارتاراپتانۋى ءۇشىن بەلگىلى ءبىر كەزەڭدە ۇكىمەت تاراپىنان جۇيەلى قولداۋ كەرەك بولادى. ويتكەنى، ءارتاراپتاندىرۋ كەزىندە باستاپقىدا بەلگىلى ءبىر تەحنيكالارعا ينۆەستيتسيا كەرەك. بۇل شىعىستاردى باستاپقى كەزەڭدە ۇكىمەتپەن بىرگە سۋبسيديا، ينۆەستيتسيالىق سۋبسيديا تۇرىندە وتەگەن ءجون. ءبيدايعا قاتىستى ونى قانداي باسقا داقىلدارمەن الماستىراتىندىعىمىزعا قاتىستى دۇرىستاپ ويلانۋعا ءتيىسپىز»، - دەدى نۇرلان وسپانوۆ.

سوڭعى جاڭالىقتار