تالدىقورعاندا ماس سۋديا كولىك جۇرگىزگەن - تەكسەرۋ باستالدى

استانا. قازاقپارات - الەۋمەتتىك جەلىدە تالدىقورعان قالالىق سوتىنىڭ سۋدياسى ماس كۇيىندە كولىك جۇرگىزگەنى ءۇشىن توقتاتىلعانى تۋرالى اقپارات پايدا بولدى.
None

بۇل اقپاراتقا جەتىسۋ وبلىسى سوتىنىڭ باسپا ءسوز قىزمەتى جاۋاپ بەردى، دەپ حابارلايدى قازاقپارات.

«قازىرگى ۋاقىتتا ارنايى قۇرىلعان كوميسسيا ىشكى ىستەر ورگاندارىنان وقيعانىڭ بارلىق ماتەريالدارىن تالاپ ەتتى جانە قىزمەتتىك تەكسەرۋ جۇرگىزىپ جاتىر. تەكسەرۋ ناتيجەسى تۋرالى قوسىمشا حابارلانادى»، - دەپ جازىلعان جەتىسۋ وبلىسى سوتى باسپا ءسوز قىزمەتىنىڭ حابارلاماسىندا.

سونداي-اق، قازاقپارات اگەنتتىگى وبلىستىق پوليتسيا دەپارتامەنتىنەن اقپارات سۇرادى. ولار بۇل وقيعا تۋرالى ەش مالىمەت بەرە المايتىنىن جەتكىزدى.

بۇعان دەيىن الەۋمەتتىك جەلىلەر مەن ب ا ق- تا 15- شىلدە كۇنى تالدىقورعاندا جول پوليتسياسىنىڭ ەكيپاجى Toyota Camry 50 ماركالى اۆتوكولىكتى توقتاتقانى جازىلعان ەدى.

وندا ماس كۇيىندە كولىك جۇرگىزگەن تالدىقورعان قالالىق سوتىنىڭ ءتوراعاسى ۇمبەتاي ءابدىللا بولعانى، اكىمشىلىك قۇقىقبۇزۋشىلىق تۋرالى حاتتاما جاسالعانى ايتىلعان.

ءىس الدىمەن تالدىقورعان قالالىق پروكۋراتۋراسىنا، سودان كەيىن باس پروكۋراتۋراعا بەرىلگەن.

سوڭعى جاڭالىقتار