اقكەنتتەگى ورتتە قازا تاپقان ايەلدىڭ وتباسىنا ەكى بولمەلى پاتەر بەرىلەدى

كوپقاباتتى ءۇيدى سالعان Aythousing Complex ج ش س مارقۇمنىڭ وتباسىنا ەكى بولمەلى پاتەر بەرەدى. بۇل تۋرالى قۇرىلىس كومپانياسىنىڭ باس ديرەكتورى قانات ەراليەۆ تۇرعىن ءۇي كەشەنى حالقىمەن كەزدەسۋ بارىسىندا ايتتى، - دەپ حابارلايدى Massaget.kz ءتىلشىسى.
سونىمەن قاتار، قۇرىلىس سالۋشى كومپانيا ءورت شىققان ۇيدە قالپىنا كەلتىرۋ جۇمىستارىن جۇرگىزۋگە ۋادە بەرگەن.
«ءبىز ءوز باستامامىزبەن ءۇيدى قالپىنا كەلتىرۋ شىعىندارىن وزىمىزگە الۋعا دايىنبىز»، - دەدى كومپانيانىڭ باس ديرەكتورى.
ايتا كەتەيىك، Ayt Housing Complex ج ش س وسى تۇرعىن ءۇي كەشەنىن سالعان. 54 كوپپاتەرلى تۇرعىن ءۇي 2017-جىلى 7- تامىزدا پايدالانۋعا بەرىلگەن. ءۇي 2020-جىلعى قاڭتارعا دەيىن بوس تۇرعان. بۇل ۇيگە تۇرعىندار تەك 2020-جىلى قونىستانعان. تۇرعىن ءۇي كەشەنىندە قىزمەت كورسەتەتىن باسقارۋ ورگانى - «اقكەنت ت ك» ميب (وسي).
كومپانيا مالىمەتىنشە، بۇل تۇرعىن ۇيدە Mitsubishi ليفتىنىڭ برەندى 2015-جىلدان باستاپ جۇمىس ىستەيدى.
«ا گ م ە ل ك و ەليەۆاتور كازاحستان كومپاني» ج ش س ليفت كومپانياسى قىزمەت كورسەتەدى. ليفتتەردى سوڭعى تەحنيكالىق كۋالاندىرۋ بيىل 27- شىلدەدە جۇرگىزىلدى»، - دەلىنگەن كومپانيا مالىمەتىندە.
ەسكە سالايىق، كەشە الماتىداعى اقكەنت شاعىناۋدانىنداعى تۇرعىن ۇيدە ءورت شىققانى حابارلاندى. كەيىن ورتتەن زارداپ شەككەندەر سانى انىقتالدى.
اقكەنت تۇرعىن ءۇي كەشەنىنىڭ تۇرعىنى ءديدار ورت تۋرالى ايتتى. ول - ورتتەن امان قالعان تۇرعىنداردىڭ ءبىرى. ال تىلەۋجان احمەتجان ەسىمدى جىگىت ورتتەن 6-7 ادامدى قۇتقارىپ العان. ەر ادام 1 جاسار بالانى، كورشىنىڭ وتباسىن، ءبىر جىگىتتى جانە پوليتسيا قىزمەتكەرىن امان الىپ قالدى.
ال تۇركيا ازاماتى شۇكۇر گيۋناي اقكەنتتەگى ءورت كەزىندە 16-قاباتتا قالعان بالالاردى قۇتقارعان.
سونداي-اق، ءورت شىققان ءۇيدىڭ ىشكى كورىنىسى جاريالاندى.