16:11, 02 - تامىز 2023 | GMT +5
جازعى ۋنيۆەرسيادا: قازاقستان قۇراماسىنىڭ جۇلدە قورى تاعى ەكى مەدالمەن تولىقتى
استانا. قازاقپارات - قىتايدىڭ چەندۋ قالاسىندا ءوتىپ جاتقان جازعى ۋنيۆەرسيادادا ەل قۇراماسى قورجىنىنا تاعى ەكى مەدال ءتۇستى، دەپ حابارلايدى قازاقپارات ءتىلشىسى.

ەل قۇراماسىنان 2- تامىزدا ۋشۋ بەكسۇلتان قوسكەنوۆ (60 كەلى) ەرلەر اراسىندا جارتىلاي فينالدا ما يگۋگە 0:2 ەسەبىمەن جول بەرىپ، قولا جۇلدەنى قاناعات تۇتتى.
ال ايگەرىم تورەحانوۆا (60 كەلى) جارتىلاي فينالدا تۇركيالىق بەرنە تۋتقا جەڭىلىپ قالدى.
قازىرگە دەيىن قازاقستاندىق سپورتشىلار 13 مەدال الدى. ونىڭ ىشىندە 1 التىن، 5 كۇمىس، 7 قولا بار.
جازعى ۋنيۆەرسيادا 28- شىلدە-8- تامىز ارالىعىندا وتەدى. وندا 10 سپورت ءتۇرى بويىنشا 90 قازاقستاندىق سىنعا ءتۇسىپ جاتىر.
قازاقستان قۇراماسى مەدالدار كەستەسىندە ونىنشى ورىندا كەلەدى.
قىتاي قۇراماسى 50 (30-10-10) مەدالمەن كوش باسىندا تۇر. ودان كەيىنگى ورىندارداعى وڭتۇستىك كورەيانىڭ 39 (15-12-12)، جاپونيانىڭ 32 (14-8-10) مەدالى بار.