استىق نارىعىندا رەسەيمەن باسەكەلەسۋ وتە قيىن - الەكساندر مالوۆ

«بۇگىندە استىق ساپاسى ءارتۇرلى سۇرىپتى بولادى دەپ كۇتەمىز. بۇل نەنى بىلدىرەدى؟ ياعني، سوڭعى 3 جىل بويى ءبىز ادەتتە جوعارى ساپالى ءونىم الىپ كەلسەك، بيىل مۇنداي كورسەتكىشكە قول جەتكىزە المايمىز. دەمەك، ەگەر ءتورتىنشى، بەسىنشى جانە ءۇشىنشى سۇرىپتى استىق باستىرساق، وندا رەسەيمەن بەلسەندى تۇردە باسەكەلەسەمىز»، - دەدى ول ب ا ق وكىلدەرىنە ارنالعان دوڭگەلەك ۇستەل بارىسىندا.
دەگەمەن، استىق وداعىنىڭ وكىلى رەسەيمەن استىق نارىعىندا باسەكەلەسۋ وتە قيىن ەكەندىگىن دە جاسىرمادى.
«بۇگىندە رەسەيمەن باسەكەلەسۋ وتە قيىن. ولاردى ءبىرشاما ءتيىمدى ءوندىرىس بار. سوعان وراي بىزگە قاراعاندا باعاسى دا ءبىرشاما تومەن. ءبىزدىڭ مىندەتىمىز - ورتالىقازيالىق نارىقتى ۇستاپ تۇرۋ. مۇنان بولەك، بيىل ناۋرىز-ءساۋىر ايلارىندا قىتايعا بارىپ قايتتىق. ءبىراق، قىتاي تەك ساپالى استىقتى عانا ساتىپ الادى. بۇل ىشكى نارىقتاعى جوعارى ساپالى بيداي باعاسىنا اسەر ەتەدى»، - دەدى الەكساندر مالوۆ.
وسىعان دەيىن قازاقستان استىق ەكسپورتتاپ وتىرعان يران نارىعىنان دا ايىرىلىپ قالۋى مۇمكىن ەكەنىن جازدىق.