الماتىداعى الاپات ءورت: دارىگەرلەر زارداپ شەككەندەردىڭ جاعدايى تۋرالى ايتتى

الماتى. قازاقپارات - بۇگىن الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ مىندەتىن ۋاقىتشا اتقارۋشى نازگۇل يمانعاليەۆا ورتتەن زارداپ شەككەندەر جاتقان اۋرۋحانالارعا باردى، دەپ حابارلايدى قازاقپارات ءتىلشىسى.
None

دارىگەردىڭ سوزىنشە، ءورت سالدارىنان بارلىعى 49 ادام زارداپ شەكتى، ونىڭ ىشىندە ەكى ەرەسەك ادام 7№ قالالىق كلينيكالىق اۋرۋحانادا جاتىر.15 بالانىڭ 9 ى بالالارعا جەدەل جانە شۇعىل كومەك كورسەتۋ ورتالىعىندا، 6 بالا 2№ بالالار كلينيكالىق اۋرۋحاناسىندا ستاتسيونارلىق ەم الۋدا. قالعاندارى بارلىق قاجەتتى مەديتسينالىق كومەك كورسەتىلگەننەن كەيىن اۋرۋحاناعا جاتۋدان باس تارتتى.

«ەكى ەرەسەك ادام رەانيماتسيادا: 35 جاستاعى ايەل - كاتاتراۆما. قاتىستى جاراقات. كوپتەگەن سىنىق. ەكى وكپەنىڭ سوعىلۋى. جانۋ ونىمدەرىمەن ۋلانۋ. 2-دارەجەلى تراۆماتيكالىق شوك دياگنوزىمەن، ال 19 جاستاعى قىز اۋىر باس-مي جاراقاتى، كوپتەگەن سىنىق دياگنوزىمەن جاتىر»، - دەپ حابارلادى دەنساۋلىق ساقتاۋ باسقارماسىنان.

1992-جىلعى ايەل كوپتەگەن جاراقات سالدارىنان قايتىس بولدى.

جاعدايى اۋىر ايەل دەرەۋ 7№ قالالىق كلينيكالىق اۋرۋحانانىڭ جانساقتاۋ بولىمىنە جەتكىزىلگەن بولاتىن.

جەدەل جاردەم بريگاداسىنىڭ مالىمەتىنشە، ول ءورت كەزىندە 5-6-قاباتتان سەكىرگەن.

«وعان قويىلعان دياگنوز: كاتاجاراقات. قاتارلاس اۋىر جاراقات. كوپتەگەن سىنىق. تۇتىنگە ۋلانۋ. 2-3- دارەجەلى تراۆماتيكالىق شوك. ءولىم ومىرمەن ۇيلەسپەيتىن جاراقاتتاردان بولعان» - دەپ اتاپ ءوتتى ۆەدومستۆودان.

1 بالا جانساقتاۋ بولىمىندە جاتىر. جاعدايى تۇراقتى. قالعان اۋرۋحاناعا جاتقىزىلعان ناۋقاستاردىڭ جاعدايى ءبىر قالىپتى.

اۋرۋحانالاردىڭ قابىلداۋ بولىمىندە قاجەتتى مامانداردى تارتا وتىرىپ، بارلىق ناۋقاسقا قاجەتتى كومەك كورسەتىلدى، كورسەتىلگەن كومەكتەن كەيىن 17 ەرەسەك جانە 14 بالا تۇرعىلىقتى جەرى بويىنشا ەمحاناعا ودان ءارى امبۋلاتورلىق ەمدەۋگە جىبەرىلدى.

سوڭعى جاڭالىقتار